Gizonetan, nazional 2 mailan, sasoineko azken partida iragan da, bainan azken hori biziki inportantea zen. Partida horrentzat gaitzeko sustengatzaile andana bildu da. Irisartarrek berdinketa egin dute Asson-ekin, 20-20. Maleruski, maila hortan egoiteko irabazi behar zuten. Biarnesek lortu dute, eta Irisartarrak N3 mailarat jautsiko dira, bote bat gehiago eskasean.

Erregional mailan, hamazazpi urtez petikoek berdinketa egin dute Lormont-ekin, 21-21.

Hunateko finalerdien kondu, hemezortzi urtez petikoek irabazi dute Angelu/Miarritzen, 34-30. Ez dira finalean izanen, harateko partida bortzez galdu baitute.

Hamabortz urtez petikoek irabazi dute Donapaleun, 29-22. Finalean dira.

Nesketan, hunateko finalerdien kondu, bigarren taldeak irabazi dio Barzun-eri, 27-26. Harateko partidan, biez galdua zuten, hor ere ttantto baten eskasean, ez dute finala lortu.

Hunateko finalerdien kondu, hemezortzi urtez petiko bigarren taldeak irabazi dio Baionari, 26-18. Finalean dira.

Erregional mailan, hemezortzi urtez petiko lehen taldeak irabazi du Blanquefort-en, 43-33.

Nazional 3 mailan, Kanbo/Irisarrik aise irabazi du kostaldean, 25-15.

Departamenduko kategoria guzitako finalak jokatuko dira Kanbon eta Irisarrin, ekainaren 7 eta 8an. Izanen da mugimendu bi herri horietan.