Otxalde taldearen kontzertua

San Josep eskolak antolaturik Itsasuarrak elkartearekin, gerezi pestaren karietara. Larunbat huntan, maiatzaren 31n (19:30), elizan. Sartzea 12€ helduentzat, 10€ gazteentzat.

Aspaldiko taldea dugu Otxalde, 1976an sortua. Beren errepertorioan nagusiki aipatzen dituzten gaiak dira ekologia, haurtzaroa, askatasuna, anaitasuna, nostalgia, hizkuntza, maitasuna, umorea eta emigrazioa.

Gerezi besta

Hara! Jina zaigu aspaldiko urtetako hitzordua: gerezi besta. Ekainaren lehen igandean jarria da hitzordua, aurten beraz igande huntan, ekainaren 1ean. Huna xeheki egitaraua: meza (9:00), pilota partida (11:00),

bazkaria (13:00) Alaiak taldeak animaturik, 28€tan. Euskal indar jokoak (15:30), Ataitze dantza etamakilariak (16:30), mutxikoak, taloak, kantu eta aperitifa (18:00).

Bazkariarentzat erreserbak Herriko Etxean: accueil@itsasu.eus.

Ohoinkeriez mesfidatu

Nola egon erne mota guzietako jukutriei ohartzeko: hori izanen da aipagaia ekainaren 4an asteazkenez (14:00), Sanoki gelan. Ekitaldi hau antolatzen du herriko GEUZ edo CCAS batzordeak, jendarmeriaren laguntzarekin. Sartzea urririk.

Hirukasko

Aurten, ekainaren 14an larunbatez eginen da ibilaldia Bidarraitik Itsasura.

Izen-emaiteak: https://pb-organisation.com/evenements/hirukasko/.

ERROBIL

Inaugurazio arrakastatsua izan da ERROBILentzat, AIBAren berrerabiltegi berriaren estreinaldia Itsasun maiatzaren 17an larunbatez, eguzki distiratsuaren pean, 300 pertsona inguruk erantzun dute, Itsasuko La Nive eraikin zaharretan. Besta egun engaiatua, ikustaldi, mintzaldi eta animazio musikalek erritmatua. Aro berri bat AIBArentzat eta bere engaiamenduarentzat berrenpleguaren eta trantsizio ekologikoaren alde!

Lurralde proiektu federatzailea

Bisitaldi gidatu baten ondotik, hautetsi eta partaideek proiektu honen garrantzia azpimarratu dute lurraldearentzat:

- Mikel Hiribarrenek, Itsasuko auzapezak, esker ona adierazi du.

- Maitena Curutchetek (EHE) oroitarazi du beharrezkoa dela Errobi eremua estaltzea, ordura arte "eremu zuria" zena ekonomia zirkularrari dagokionez, eta etorkizuneko ALKI lantegi zaharrera lekualdatzea aipatu du.

- Carole Iriart Bonnecazek (Errobi poloa) Errobil-en bokazio bikoitza nabarmendu du: berrenplegua eta hurbileko gizarte zerbitzua.

- Bonnichon andereak (UGECAM) aktore guzien baloreen lerrokatzea txalotu du, "pertsonen zaintzetik objektuen zaintzera" pasatuz.

- Ekitaldia Elisabeth Charriau (AIBAko lehendakaria) eta Pantxo Paparamborde Belinen (proiektuaren koordinatzailea) hitzekin bukatu da.

Besta eta elkartasun giroan iragan da ekitaldia aurresku batekin hasiz. Lascano bikotearen bertso poetikoekin eta Itsasun Kantuzen emanaldi batekin lotu da. Gonbidatuek Errobil-eko boluntario, Les Vieux Machins elkarteak prestatutako pintxoak dastatu dituzte, Watson, Bix eta Folkabok taldeen doinuekin dantzatu aitzin.

Milesker boluntarioei, bazkideei eta publikoari Euskal Herriko ekonomia zirkularraren eta lotura sozialaren zerbitzura dagoen abentura kolektibo baten hastapena iragartzen duen egun nabarmen honengatik!