Euskaraldia

Arrakastatsua izan da aurtengo Euskaraldia Arberoa Ibarran. Izturitzen iragan bertso afariaz aparte, 2 ekitaldi antolatuak ziren Donoztirin. Hala nola ezkerparetako xoko txapelketa Abarratia eta Denek Bat ibarreko pilota elkarteek antolaturik. 20 bat parte hartzaile egon dira gaztetxoen eta helduen bi mailetan, belaunaldi ezberdinen arteko giro biziko goxoan.

Asteartean, Sorhapürün, Eñaut Etxamendiren obraz mintzaldia iragan da. Hor ere 20 bat parte hartzaile Itziar Madinaren tesia entzuteko eta Eñaut Etxamendi berak borobildutako gaualdi goxo batean: "Milesker nire obra pobrea aberatsa eginik... Euskara dinamika eder batean da, zorionak zuei!"

Gure Hitza | 2025/05/29

Erramun Martikorena kantatuz

Jean-Louis Harignordoquy

Ekainaren lehenean Baigorrin Erramun Otsobi deitzen dugun adiskide kantari handia ohoretan izanen da bere sorterriko elizan. Irulegiko Irratiak gomitatu kantari andanak abestuko ditugu Erramunek ezagutarazi dizkigunetarik zonbait. Gazte gaztea Ibaigorri abesbatzan lehen tenor gisa parte hartuz, geroxeago Lapurdiko Etorki izenekoan, laster bakarlari abiatu zen. Nunahiko jende xaharrenei aspaldiko kantuen doinu eta pertsu guziak gogoz ikasi zizkien eta gutarik anitzi erakatsi. Larzabaleko kantu txapelketetan bi aldiz lehen saria irabazi zuen, entzuleak oro loriatuz nahi bezala molda zezaken zilarrezko ahots arin goraiarekin. Bertzalde, Baigorriko antzerki taldean frangotan arizana, ederki garatu zuen kantuak jendeari sendiarazteko dohaina.

1978an lehenbiziko diskoa grabaturik, hurrengo urtean Baionako Laugan eta Hendaiako Beltzenean ikaragarriko arrakasta bildu zuen Baigorriko artzain kantariak. Geroztik gure zazpi probintzietako xoko-moko guziak kurriturik badauzka...

Irakurri segida

Gurekin harremanetan sar