Ekain Dantza Festibala

Ekainaren 13 eta 14an, Izpuran eta Donibane Garazin, Ekain Dantza Festibala iraganen da. Bi egunez, Euskal Herriko hainbat dantza tradizional eta sorkuntza emanak izanen dira.

Ekainaren 13an Izpurako Fauxtin Bentaberri gelan (20:30), Bilaka konpainiak "Mitologia txikia" ikusgarria emanen du. Sartzea 15€.

Biharamunean Donibane Garazin, Garaztarrak, Bunuztar Xoriak, Luzaideko Bolantak, Akelarre (Hendaia), Zirikolatz (Senpere), Primaderan (Arbona), Errege Xopitak (Larraine) eta Otsagabia dantza taldeek desfilatuko dute (10:30), ondotik ikusgarria emanen dute. Arratsaldean (17:00) Hazparneko Hegalka dantza taldeak "Uma" ikusgarria emanen du. Eguna bururatuko da Bahez taldeko pandero joleen kantuekin. Igandeko ikusgarriak kitorik izanen dira.

Gure Hitza | 2025/05/29

Erramun Martikorena kantatuz

Jean-Louis Harignordoquy

Ekainaren lehenean Baigorrin Erramun Otsobi deitzen dugun adiskide kantari handia ohoretan izanen da bere sorterriko elizan. Irulegiko Irratiak gomitatu kantari andanak abestuko ditugu Erramunek ezagutarazi dizkigunetarik zonbait. Gazte gaztea Ibaigorri abesbatzan lehen tenor gisa parte hartuz, geroxeago Lapurdiko Etorki izenekoan, laster bakarlari abiatu zen. Nunahiko jende xaharrenei aspaldiko kantuen doinu eta pertsu guziak gogoz ikasi zizkien eta gutarik anitzi erakatsi. Larzabaleko kantu txapelketetan bi aldiz lehen saria irabazi zuen, entzuleak oro loriatuz nahi bezala molda zezaken zilarrezko ahots arin goraiarekin. Bertzalde, Baigorriko antzerki taldean frangotan arizana, ederki garatu zuen kantuak jendeari sendiarazteko dohaina.

1978an lehenbiziko diskoa grabaturik, hurrengo urtean Baionako Laugan eta Hendaiako Beltzenean ikaragarriko arrakasta bildu zuen Baigorriko artzain kantariak. Geroztik gure zazpi probintzietako xoko-moko guziak kurriturik badauzka...

Irakurri segida

Gurekin harremanetan sar