Herriz Herri - Urepele (NB) | 2025eko Urriaren 09a

Estreina eguna - Kontzertu - Parropia

Anglesaineko%20estreina — Anglesaineko estreina

Estreina eguna

Joan den ebiakoitzean, Anglesainia estreinatua izan da. Gaur egun, toki hortan Baigorri Ibarreko mendi batzordeko bulegoak eta bi bizitoki kokatzen dira. Estreinaren karietara, Xole Aire auzapezak bere mintzaldian bi begi kliska fin bota ditu: lehena, Josephine etxekandere zenari, hari esker etxe horrek herrian zeukan toki berezia oroitaraziz eta 2. Xalbador zenari, toki hortan, 16 urtetan bere lehen bertsua bota baitzuen.

Kontzertu

Urriaren 18an proposatua den beste hitzordu bat: Gaitzeko gaualdia. Basa Piztiak (18:00), Lin Ton Taun (20:30), Gatibu (22:00), Punttu Kakotx (00:00) eta Trikizio (1:00).

Parropia

Egunak laburtzen ari dira, ondorioz asteburuetako mezak ebiakoitzetan (17:00) iraganen dira.

Izadia su eta gar

Jean-Louis Harignordoquy

Aurten aldi bat gehiago, izigarriko suteak pairatu dituzte Frantziako hego ekialdean eta Espainiako iparraldean. Berri emaileek ziotenaz, ezin bentzutuenak Espainiakoak izan dira. Telebistatik ikusi ditugu bereziki Zamora eskualdeko irudi nigar egingarriak: herri osoak hustera eta azienden urruntzera behartuak, milaka hektarea oihan eta larre zipilduak, etxeak eta herritarren funtsak kiskaliak, keak kutsatu aireak eta bero itogarriak eragin egoera ezin jasana.

Espainiako arazo hori bertze eskualdetakoei juntatuz, zorigaitzez airea, lurra eta itsasoa gehiago berotuz doatzi. Nolaz gertatzen dira honelako sute erraldoiak? Ez arrazoi bakar batengatik! Erran gabe doa, lehen lehenik idorteak fagoratzen dituela. Halere badakigu sua ez dela bera pizten. Baditaike aire gaixtoa erortzea eta hartarik garrak hedatzea. Noiz behinka, laborarien tresnetarik...

Irakurri segida

Gurekin harremanetan sar