Erretretatuen ateraldia

Urriaren lehenean asteazkenez iragan da, 52 pertsona goizean abiatu dira igerilekuko aparkalekutik. Andoain herrian gosaldu dute eta jaun Perurenak errezibitu ditu bere museoa erakusteko esplikazioneekin, aski ongi gainera, badira gauza ederrak, zinez balio du bisitatzea. Ondotik Leitzako ostatu batean bazkaria, eta iluntzean Sarako herriko ostatuan azken tragoa. Dena ongi pasatu da, denek herriko kontseilua eskertu dute eta galdegin bertze holako egun bat antolatzea helduen urtean.

Ikusi Mikusi

Urriaren 10 eta 11n iraganen da herriko gela guzietan (10:00-19:00), haur eta gazteen euskarazko literaturaren festibala.

Herriko Etxeko mezua

Iratze leku batzu libratu dira, interesatua denak Herriko Etxera deitu 05-59-54-20-28, edo emailez herria@sare.fr urriaren 10a aitzin.

Numerikoaren tailerra

Antolatzen du Herriko Etxeak, urriaren 15ean, 22an, 29an eta hazilaren 5ean (10:00-12:00/14:00-16:00). Xehetasun guziak: 05-59-54-20-28 edo 06-07-83-34-93, emailez ccas.saran@gmail.com.

Pilota esku-huska trinketean

Lehen maila: Iribarren Unai-Lecuona Aritz irabazle 40-27 Noizbait-en kontra. Larrechea Peio-Etcheverry Unai irabazle 40-28 Irisartarrak-en kontra. 2. maila: Etxeberri Pacheco Manex-Zozaya Eñaut galtzaile 36-40 Noizbait-en kontra. 4. maila: Fagoaga Eneko-Errandonea Xan galtzaile 37-40 Uhaldean-en kontra.

Errugbia

Sarak irabazi du Saran 12-10 Zibururen kontra. Heldu den igandean ariko dira Landesetako Ychoux taldearen kontra (15:00).