Heriotze

Hamar egun barne, biga ukan ditugu. Lehena Ttotte Biscar, Otxarteko semea. 88 urte zituen. Bere denbora gehiengoa pasatu zuen Kalifornian, anitz euskaldunek bezala. San Frantziskoko Euskal Etxean kozinan, bai eta ere baratzegintzan egin izan du lan. Gizon langile baten oroitzapena utzi dauku. Bigarrena Mañaña Legasa deitzen ginuen, bainan zen Mañaña Alfaro. Aldude Ohosiloko alaba zen. 11 haurridekoa zen. Gure herrian ezkondu zen eta hiru seme-alaba ukan zituen. Alargundu zen, orain dela 17 urte galdua zuen bere senarra. 100 urte bete zituen aurten, otsailaren 1ean. Emazte goxo eta alai baten oroitzapena utzi dauku. Dolumin bizienak eskaintzen ditugu bi heriotzetako familia guzieri.

Bozak

Mixel Oçafrainen ekipak segituko du aitzina, kontseilari berri batzuekin. 197 bozkazale izan dira, eta 170ek listaren alde bozkatu dute.

Mus

Olhaberriko lehiaketaren ondotik jokatu dira herrian kanporaketak.

Euskal Herriko lehiaketarentzat 3 ekipa sailkatu ziren: Albistur aita-semeak, Gisèle eta bere laguna, Juanicotena anaiak. Izturitzen jokatu ziren Baxe-Nafarroako kanporaketak, ondorioz nehor ez da sailkatu final handirako, Amesa Villabonan jokatuko dena martxoaren 28an, 7 probintzietakoa.

Union Basque lehiaketa

3 ekipa izan dira sailkatu direnak: Etxekolanea-Inchauspe; Juanicotena anaiak; Oçafrain-Munduate. Ondorioz, lehen itzulian sailkatu ziren Bidarrain Juanicotena anaiak eta Yvonne Oçafrain-Munduate Babeth. Kantonamenduko finalak jokatuko dira Arrosan, Pazko astelehenez; Irisarrin jokatuko dira finalak bainan gure herritik ez da maleruski nehor izanen. Beraz egonen gira heldu den urteari begira, esperantzarekin!