Kontseilu berria

Joan den larunbat goizean bildu da kontseilu berria. Jean-Michel Anchordoquy izendatua izan da auzapez, Antton Seychal lehen axuant, Aña-Mari Sabarots bigarren axuant, Jean-Pierre Marisco hirugarren axuant eta Suzanne Cedarry laugarren axuant.

“Musika eta dantza”

Oroitarazten dugu ostiral huntan (20:00) duela Jokin Irungaray itsasuarrak eskainiko “Musika eta dantza herrikoien arteko loturak eta historia” konferentzia, Arrume gelan, nornahiri idekia. Ondotik ahamen eta hurrupaldi. Ongi etorri!

Sagarnotegi ateraldia

Besta komiteak sagarnotegi ateraldia antolatzen du apirilaren 4an, ibiakoitzez, Astigarragara. Abiatzea 11:00etan Noblianetik, itzultzea goizeko 02:00ak irian. Garraioa eta aperitifa komitearen gain, bazkaria 40€ bakotxarentzat. Herritar guzieri idekia den gomita da. Izena eman behar da martxoaren 27a aitzin: 06-63-73-43-55.

Mus

Kantonamenduko finalean, Arrosa Elgenean, herritar muslari pare bakar bat, Xan Oronos eta Hervé Castanchoa, atera da Pazko astelehenez Irisarrin jokatuko den final handian parte hartzeko. Goresmenak eta suerte on!

Korrika

Iragan da gure herritik ere Korrika. Gau betez pasaturik ere (goizeko oren bata irian), jende multxo ederra bildu da euskararen aldeko lasterkaldi sano hortan. Lordaenetik aitzina, Herriko Etxeak (Jean-Michel Anchordoquy) eta Otxaldetarrak elkarteak (Jean-Pierre Marisco) dute hartu lekukoa. Artekatik harat, gazte komiteak (Miren eta Ellande Orhategaray). Eta kilometro bat urrunago Baztandarrak elkarteak (Mattin Seychal). Zenbaitzuk zenbait ehun metro dituzte egin, beste batzuk kilometroak irentsi dituzte Ortzaize edo Arrosako zubiraino, edo berdin urrunago joanez. Giro biziki goxoa zen, aro zinez onarekin.