Baionako besta alternatiboak

Huna Baionako besta alternatiboetako kideek zabaldu duten mezua: “Uztailaren 19an, igandez, Baionako besten azken egunean jokatuko da gizonezkoen munduko futbol kopako finala. Kirol lehia honetan ere, Euskal Selekzioak ezin izan du jokatu.

Horregatik, Baionako besta alternatiboetako kideok Euskal Selekzioaren ofizialtasuna aldarrikatzeko manifestazioa eginen dugu uztailaren 19an (11:00), Patxatik abiaturik.

Pilotan eta beste zenbait kiroletan aitzinpauso batzuk lortu badira ere, Euskal Herriko kirolariek gure herriaren koloreak janzteko eskubidea ukan behar lukete kirol orotan. Ezinbestekoa da instituzioek zein kirolaren arloko eragileek eragitea eta herri mobilizazioa sustatzea, gure nazioa kirol arloan aitortua izan dadin.

7 lurraldez osaturiko herria garelako, Euskal Selekzioaren ofizialtasuna aldarrika dezagun Baionako karriketan!

Bestalde, urtero bezala, kontzertuak egunero egongo dira Patxa plazan....

Neguko egurra

Herriko Etxeak neguko egurra kitorik ukaiteko hautagaitza saila idekia du. Zuhaitzak emanen zaizkie hautatuak izanen direnei: 6 eta 8m³ artean, gehienik haitza. Hautagaitza papera Herriko Etxean eskura daiteke edo webgunean bete. Galdea uztailaren 20ko egin behar da.

Beroteari buru egiteko

Beroteari buru egiten laguntzeko, Herriko Etxeak bi gune fresko idekitzen dizkie memento goxoa iragan nahi dutenei: lehena mediatekan, asteartetik ostiralera (14:00-18:00). Tokiko liburu eta aldizkariak irakurtzen ahalko dira. Bainan kasu... mediateka agorrilaren 17tik 24ra hesten da.

Bigarrena arte plastikoen gelan, Elgar Zentroko bigarren estaian (14:00-17:30).

Xehetasun gehiagorentzat Herriko Sozial Zentroa deitzen ahal da.

Ausagailu zonbait

16an: Mendi Xola taldea kantuz ariko da kitorik kaperan (21:00).

17an: (20:30) kaperan, Cantu di Luna, korsikar...

Odol ematea

Uztailaren 22an (9:00-13:00), odola emateko parada izanen da, Ondarraitz estadioan. Usaian bezala, hitzordua aitzinetik hartua behar da dondesang.efs.sante.fr webgunean.

Itsasoaren besta

Uztailaren 17tik 19ra, ostiraletik igandera, portuen auzoa giroz beteko da itsasoaren besta tradizionalarekin. Asteburu osoan itsasoari lotutako jarduerak, animazioak eta besta giroa izanen dira familiarekin edo lagunekin partekatzeko. Asteburuko janzkera: jantzi marinel-atorrarik ederrena eta zatozte bestara! Aurtengo egitarauan: itsas jarduerak eta itsas ateraldiak, bisitak: Décathlonen diseinu-tailerraren ate irekien bisita berezia (izen-ematea: communication-wsc@decathlon.com), baita SNSMren patruila-ontziaren bisitatzeko aukera ere. Ohiturak: igande goizean meza berezia Floridako kaian, joaldunen parte-hartzearekin; ondoren, banderaz apaindutako ontzien desfilea, itsasoaren bedeinkapena eta mutxikoak....

Urteko hitzordua hemen dugu, uztailaren 26an, Harrizko zubian.

Leaburuko adiskideak gurekin izango dira, fleitean Toka jokoan lehian, harri altxatzaileak, bi bertsulariak, musikariak, egun fresko eta goxo baten mentura! Ez duda! Izena eman otelore.elkartea@gmail.com helbide hontara idatziz.

Kontzertua

Uztailaren 18an (18:30), Tristtan Mourguyk kontzertua eskainiko du La Réserven.

Koru kontzertua

Uztailaren 20an (21:00-22:30), Arin Saint-Etienne elizan ariko da. Tokiak atxikitzeko: boutique.otpaysbasque.com.

Pilotari so

Esku-huska, plaza laxoan, Euskal Herriko amaturren txapelketan, lehen mailan, finalerdietan ari zen gure bikotea. Zoritxarrez, Kanboko plazan Goyenetche/Jaureguy makurtu dira Donibane Garaziko Iribarren/Çubiat-en kontra 13/30. Emaitza honekin Frantziako txapelketaren bidea zabalik dute, kemenez buru eginen dute. Bertzalde, herriko bestetako lehiaketako finalean, Hiribarne/Etcheverry nagusitu dira Larrechea/Etcheberryren kontra 40/28, Gantxiki trinketean.

Jazz kontzertua

Uztailaren 21ean (20:30), Inharria baserrian gaitzeko musika emanaldia proposatua da. Jérôme Gatius Quintet-ek klarinetea eta saxo sopranoa jotzen ditu, Sidney Bechet eta Louis Armstrong-en moduan, boskoterako kontzertu huntan. Urtero jendalde polita biltzen da, New Orleans-eko musikaz gozatzera, pintxo eta edariak salgai izanen dira lekuan bertan. Irabaziak Senpere herriko Zerbitzu Sozialaren (CCAS) alde. Prezioa 15€, 20 urtez petik 10€,...

Lizaga parkea hetsia egonen da jendearentzat uztailaren 13tik 20ra.

Liburutegiak ohiko ordutegian zabalik jarraituko du. Ordutegiak liburutegiaren webgunean kontsulta daitezke: mediatheque-lizaga.saintpierredirube.fr.

Lizaga liburutegira sartzeko, Platanondoen etorbideko ataria zabalik egonen da.

Kontseilu bilkura

Uztailaren 2an, hautetsiak elgarretatu dira elkarteen diru laguntzak bozkatzeko. Denak hor ziren, 37.660€-ko buxeta bozkatua izan da, denen baimenarekin. Beraz elkarteek ukanen dituzte beren diru laguntzak.

Lezeak

Udan bisiten tenoreak aldatu dira. Uztailaren 6tik abuztuaren 30a arte, lezeak bisitatzen ahalko dira (9:00-19:30), hiru hizkuntzetan: frantsesez, espainolez eta euskaraz. Bisita espezialak ortziraletan (19:30), erreserbatzean hautatu hizkuntza (frantsesa edo euskara), erreserbatzeko deitu 05-59-54-21-88ra edo Internetez: grottesdesare.fr.

Abisu

- Uztailaren 22an kontzertua elizan (21:30), Azkaingo Larrun Kanta taldearekin.

- Uztailaren 25ean larunbatez eta 26an igandez, selauru hustea plazan eta Lur Berri gelan egun guzian.

- Uztailaren 29tik abuztuaren 9a arte Lur Berri gelan, margo erakusketa Larrungo Kolorea taldeak...

Pausuko bestak gainean ditugu

Aurtengo bestak uztailaren 23tik 26ra izanen dira. Hau da auzoko besta komiteak prestatu duen egitaraua: uztailaren 23an, ostegunez, mus txapelketa Xaian eta Kantauri abesbatzaren kontzertua. Uztailaren 24an, ostiralez, pintxo potea auzoko ostatuetan barna, eta arratsean, Bushido eta Karma taldeen kontzertuak. Uztailaren 25ean, larunbatez, haurren eguna jolas eta jokoekin, pilota partiden finala eta herri afaria. Horren ondotik, Kiki, Lucky eta DJ RAF-en kontzertuak eta musika. Uztailaren 26an, igandez, auto zaharren erakusketa, euskal dantzak eta herri kirolak. Arratsean mutxikoak Patxi eta konpainiarekin.

Xaia ostatuaren besta egitarau

Aurtengo Pausuko besten kari, honako ekitaldiak izanen dira Xaia ostatuan: uztailaren 23an, ostegunez, mus txapelketa (19:00). Sari nagusia: 400 euro. Uztailaren 24an, ostiralez, Pintxo-pote XXL (19:00). Kiki eta The Red Kiketz-en kontzertua (23:00)....

Otsanzko beila

Urte oroz bezala uztailaren 22an santa Madalena kari eginen da Otsanzko beila, Uztaritze, Zuraide eta Senpereren juntan den kaperan. Meza izanen da (18:00). Beilara oinez joan nahi dutenentzat hitzordua emana da Uztaritzeko eliza aitzinean (14:30). Bi orenen bidea oihanean barna, ez sobera zaila. Hartu halere oinetako onak eta edariak.

Herriko bestak

Herriko bestak hurbilduak ditugu eta aurtengoen egitaraua honela agertzen da:

Ortzegun 23a: (18:30) Hitzopen Gaztetxeak antolaturik pintxo potea, Xibalet elektrotxaranga animatzaile herri barneko lau ostatuetan. Ortzirale 24a: (16:00) Bilgunen adinekoen arratsaldekoa besta komiteak eskainirik; (18:00) Kiroleta trinketean pilota aitzin-partida palan neskekin, (19:00) esku-huskako partida lau burujabe hoberenekin; kontzertuak Bilgunen: (20:0) Josteta gizon korua, (21:30) Dizkobolo taldea, (23:00) Lanbro taldea, (0:00) La Txama taldea; gaua bukatzeko (1:00)...

Pilotan, pare bat txapeldun eta besteak galdu

Berri ona Abarratia pilota batasunarentzat, bi pare finalean ari ziren joan den asteburuan, Iparraldeko pilota batzordeak antolatu txapelketaren kari.

Artekoetan, Iholdiko plazan ezustekoa gertatu da ortziralean: Theo Etcheverry eta Mikel Harguindeguy Noizbait batasuneko Unai Pagueguy Hazpandarrak eta Thomas Sahasquet Itsasuarrak osatu pareari, 30 eta 29, hots ttantto soil batez nagusitu dira, partidak oren bat eta laurden iraun ondoan. Alta bai, 29 eta 21 galtzen zuten Abarratia batasunekoek. Ordu arte, partida biziki atakatua izan da: 11 ados, gero Noizbait aitzinera pasatu da 20 eta 11, Abarratiakoak 17 eta 22ra hurbildu dira. Berriz Noizbaitekoek abantaila harturik (29 eta 21), nork erranen zuen orduan Abarratiakoak zirela nagusituko?

Gibelean ari zen Theo Etcheverryk eskuan min baitzuen, aitzinera pasatu zen, eta Mikel Harguindeguy gibelera. Hunek harrigarriki partida...

Herriko bestak

Lerro hauek idaztean, herriko besten lehen hiru egunak baizik ez dira pasatuak. Ortzirale arratsean, gaualdi goxoa iragan dugu Barberaenearen inguruetan. Uztaritzeko Burrunka taldeak arrakasta pollita ukan du, jendalde ederra bildurik. Perkusio, txistu eta beste, bai eta hamar dantzari, taldeak oren bateko ikuskizun atsegina eskaini dauku, meatzarien gaia jorratuz, kantu bat ere ematen zaukutela. Artetik Oier Urreizti herritarrak bertsuak eman ditu. Larunbatean, beti bezala, gazteria multxo aski handiak ditu plazako bazterrak bete, Janus Lesterrek eta Sukenak ikusmina sustaturik, nahiz usaian baino gazte gutiago jin den. Igandean, herritarrentzat menturaz egun goxoena, paella bazkariarekin, Lasa Kantuz taldeak ederki animaturik, aitzinetik herriak aperitifa eskainirik. Hor ere jende gutiago, bero handiegiagatik. Eta arrastirian, aski berantean, artzain xakur lehiaketa da iragan, bero...

Izen hori ez da oraikoa eta barnean dauka meza hitza. Egia erran berriki irakurri dudanaren arabera, hondar bi gerlak aitzinekoa. Denborako apezek, gerletarik landa anitz jende baitzegoen beharrean zenik eta zerbait egin nahian, antolatu zituzten besta handi batzu hasten zirenak mezetarik eta gero bazkari handia ziren jende guziekin, bakotxak ekarriz edo eskainiz, arroltze, haragi, oilaki edo beste, hots karitatezko jestuak, berdin arropak, beharrean zirenen laguntzeko. Geroxago apezak hasi ziren eskola idekitzen, “eskola girixtinoak”. Haurren eskolatzeko erran behar da orduan kezka frango sortu zirela eta 1095eko legea jalgi arte aski gorabehera ekarri zutenak.

Geroztik asko herritan beti atxiki dute kermeza horren ohidura eta Heletan egiten da San Bladi Baiguraldeko bost herrien izenean kermeza hori. Hain justuki, igande 19 huntan hasiko da 8 orenetan askariarekin, urtetik urtera arrakasta handitzen ari zakona, 10:00etan meza, hortik lekura, aurten lehen aldiz sokatira...

Iparraldeko pilota batzordeko xapelgoaren konduko finaletan, bi egunez Irisartarrak Pilota elkarteko hiru parek finalak irabazi dituzte. Lehenik, Iholdiko plazan, ostiral iluntzean, bigarren mailako Bidart eta Etchegaray nagusitu dira 30-13 Zaharrer Segikoen parean. Paolo eta Julien hastetik kantxaren izkin guziak miatu eta kintzeak erdietsi dituzte.

Biharamun goizean, Zuraideko plazan, beste bi parek jokatu dituzte beren finalak. Gazteak B-ko Merle-Mentaberri eta Lascarayk irabazi diete 30-23 Denek Bat-ekoeri. Oier eta Aihelik denetarik erakutsi dute, halere beti aitzinean izanez. Goresmenak!

Azkenik, hirugarren mailako Mollon eta Bidart txapeldun atera dira, partida eramanez 30-14 Senperekoen parean. Jon eta Xanek hastetik beren nagusitasuna erakutsi dute, bai besoz eta bai jokoz. Irabazte horrekin, gure pilotariak bigarren mailarat hupatzen dira heldu den urtean.

Bestalde, hemendik goiti bi parek, bigarren mailako Bidart-Etchegaray eta lehen mailako...

Uztailaren 31n, ostiralarekin (20:00), Cémée laukoteak emanen du kontzertua Ortzaizeko elizan. Lau anderez osatua (Emma Lefort-Perreaut, Marie Dubousset, Éloïse Saenz eta Claire Myers), taldeak emanen ditu Félix eta Fanny Mendelssohn anai-arreben obra batzu, hauen musika aberatsa agertuz. Sartzea urririk izanen da bainan bakotxak utz dezake nahi duena.

Elkartasun zerbitzua

Bero handien ondorioz, auzoen arteko elkartasuna sustatu nahian, Herriko Etxeak konfidentziala eta kitorik den erregistroa atxikitzen du. Horren bidez, kanikula plana hasten balitz, herriko langileak jende ahuldu edo behartuekin harremanetan jar litaizke. Beraz, zerbitzu edo laguntza horren beharra senditzen bada, izena (edo berdin auzo batena) emaiten ahal da Herriko Etxera.

Etxe kurridak

Herriko bestak agorril hastapenean ditugu bainan besta komiteko gazteek 3 aste lehenago hasten dituzte etxe kurridak, auzoz auzo. Uztailaren 11n, joan den ibiakoitzean Belexi, Etzaunalde, Eraunalde, Mitxelene, Izpegiko erreka eta Geltokia egin dira. Uztailaren 18an, heldu den ibiakoitzean...