Baginakien bulta huntan eri zegoela pausaleku ala eritegietan gaindi bazuela egon aldi frango eginik, hala ere pena ukan dugu jakin dugunean Félicie Suhubiette Oihanburukoa pausatu zela, utziz hain atxikia zen familia, etxea, herria eta bereziki Bixintxoko kapera, etxaldean zuena. Zonbait eskualdi eginik baditu horren inguruan, plazer izanen zuen orain pinpirinean, freskatu eta tindatu baitute, denbora pasa arren, bainan hala ere eskertzen ditugu.

Nor zagon Félicie, segur elizako urratseri jarraikia zen emaztea, zerbitzu egilea, bere irria ezpainetan. Zorigaitzez azkar hunkiak izan zen bere senarrarekin, arrunt gazterik eritasunez galdu zituen alabarekin, haur ttipi baten ama.

Elizkizun ederrak ukan ditu, jendaldea jin baita otoitz eta kantutan parte hartuz familiari sustengua ekarriz, bururatzean orok saldoan kantatu diote “Jondoni Bixintxo” kantu hunkigarria, segur hartu dukena zeruan bere aldean.

Gure partetik gure dolumin bihotzekoak familia guziari, bai eta dolu hortaz hunkiak diren guzieri.