Heriotze

Etxarteko Jean Choutchourou zendu da 90 urtetan. Aljeriako gerlan parte hartu zuen eta frango inarrosirik gibelerat jin. Zonbait urtez lanean ari zan da Ameriketan, eta gero sortetxerat berriz itzuli. Hargintzako eskola egin eta, ari izan da ofizioan serioski. Erretreta hartu eta sartu da Luro fundazioan. 30 urtez han bizi izan da etxean bezala, tokian, laguntza frango emanez. Irisarriko elizan iragan dira ehorzketak, joan den asteazken arratsaldean. Dolumin bizienak, bere anai-arreberi eta familia guziari.

Eskubaloia

Gizonetan, erregional mailan, bigarren taldeak galdu du Lormont-en, 30-37.Hirugarren taldeak ere galdu du, Montaut-en, 39-35. Erregional mailan, hamazazpi urtez petikakoek irabazi dute Andernos-en kontra, 29-27.

Nesketan, nazional 3 mailan, Kanbo/Irissarrik irabazi du Biscarrossen, 33-42 eta bigarren taldeak ere irabazi du, Angelun 18-22. Erregional mailan, hemezortzi urtez petikakoek irabazi dute Nafarroaren kontra, 39-28.

Heldu den larunbateko partidak

Gizonetan: nazional 2 mailan, Irisartarrak ariko dira Pouzauges-en (19:00) eta erregional mailan, bigarren taldeak Villenave errezebituko du (19:00).

Nesketan: nazional 3 mailan, Kanbo/Irisarri ariko da Kanbon, Kostaldea taldearen kontra (19:00) eta bigarren taldeak Nafarroa errezebituko du (21:00). Erregional mailan, hemezortzi urtez petikakoek Tyrosse errezebituko dute (17:00).