Lehengoko kantuen inguruko saioak Biltxokon

Urritik aitzina, hilabeteko bigarren astelehen guziz lehengoko kantuen inguruko saioak izanen dira Pantxix Bidartekin, Biltxokon (19:00-20:30). Euskarazko kantu xaharrak ezagutarazteko xedearekin eta bakoitzak janari pixka bat ekarriz, momento goxoak pasatzeko mentura du elkarteak.

Baionan Kantuz-en 29. sartzea

Baionan Kantuz elkarteak bere 29. sartzea irailaren laugarren larunbat huntan eginen du, irailaren 26an Euskal Museoan edota Albert 1er eskolan euria balitz (11:00). Urteak jin, urteak joan, hitzordu hori Baionako ondarearen parte bilakatu da eta Euskal Herrian karrikako kantu herrikoiaren bultzatzaile. Bide beretik doala atzemanen dugu aldi huntan ere, agor ezinezkoa den Euskal kantutegiaren xerbitxari, kantari airos eta musikari jeinutsueri esker. Kantu programa aurkituko duzue baionan-kantuz.eus eta

www.facebook/baionan-kantuz guneetan. Jojo eta Bernadettek haurrak zirenean berenlehen dizkoan grabatu zuten “Gora Euskaldunak” kantu berriarekin heldu da elkartea aurten. Harekilan ohiko eta oraikoagoak diren kantu zerrenda alaia daike, berriz haste horren lauzkatzeko. Hasi oraitik zintzurrak berotzen eta larunbat arte.