Heriotze:

urtarrilaren 8an lagundu dugu bere azken egoitzarat Marie-Louise Iriberry Erramuntoineko etxekoandrea. Duela 90 urte sortetxen iragan du urte andana eder hori. Mugaz bestaldean den etxe horrek Lasan ditu hilerriak eta hemen iragaiten dira horgo hilen ehorzketak eta hala izan dira Marie-Louisenak. Etcheverry apeza meza emailea jende alde eder batek parte hartzen zuela. Ezarria izan da buraso, senar eta haurrideak dauden hilobian. Bizi luze hortan anitz gauza eta kanbiamendu ikusi ditu eta ezagutu mugak hetsiak eta zaindiak ziren denborak. Erramuntoinea artekari etxe bat izan da saltoki ttipi bat atxikitzen zuela. Alderdi huntako jendea joaiten zen erosketen egitera, kontrabanda kurri baitzen bi eskualdetarat. Laguntza anitz ekarri du hemengo jendeari eta beti grazia onarekin, oroitzapen hoberena uzten dauku. Horiek hola Marie-Louisek jasan ditu pena handiak baina ere ukan du plazer handia etxean xahartzeko eta artatua izaiteko semeari esker. Zer entsenplua! Gure doluminak semeari, alabari, bere familiari eta jendaki guziari.

Urte berri:

addio erran dakogu 2018 urteari. Hasi dugun 2019 urte hau izan dadien ona osagarriarekin dugu elgarri desiratzen, dakigula beti bezala hunek ere emanen dituela bere zamak jasaiteko nor norentzat. Guk egin dezagun ahal guzia elgarren sustengatzeko, bizi eta lanean ari giren tokietan goxotasunaren ezartzeko. 2018 urtean izan ditugu 3 sortze eta beti sobera diren 4 heriotze. Nik ere bihotzetik orori urte on, goaitatuz eta sinetsiz izanen ditugula egun zorionezko eta plazerrezkoak!