Gaualdia

Aurten ere gaüaldi batetarat kümitatzen zütügü, barantailaren 2an neskenegünarekin, gaüko 9 orenetan, Posonpesenean. EUSKLABO alaiak: Asisko URMENETAk idatzi ber izeneko komiki-libürüari bizia emaiten düan ikusgarria proposatzen deiküe Oztibartar lagünek. Robinson Crusoeren abentüretaz inspiratüz, parodia satirikoa lantü düe esketx, müsika, bertsu eta solasaldien bidez. Arizaletan kaüsitzen dira Asisko bera, narratzaile lanetan, Jean-Christian Irigoyen Galtxetabürü eskü soinü joilea eta antzerkian ari dira Marie Agnès Gorostiague, Daniel Arbeletxe Antxorentxene eta Jean Marie Irigoin Oihanart. Komentatzaile lanetan ariko dira leküko bertsulariak. Plazerrekin dütügü Iruriko Larrory anai-arrebak kümitatü. Maddalen, Beñat eta Maiderren kristalezko botz ederrak entzüteko parada ükenen dügü. Euskal Herriko Laborantza Ganbararen alte antolatzen dügü gaüaldia.

3483. zbk

Zozo aberatsa beti aberatsa da Zozo pobrea beti zozoa

(Anatole France)

Gure Hitza | 2019/01/24

Lehendakariari dolamena

Peio Jorajuria

Izendapen frango erabiltzen ditugu hiru hilabete hauetan frantses lurraldean bazterrak harrotzen ari dituen sozial mugimendua izendatzeko: jaka horiak, palto horiak, atorra horiak, txaleko horiak, horiz jantziak, jantzigaineko horiak, soingaineko horiak, barneko horiak, barnekomotz horiak... Laborari aldizkarian, Jean-Louis Davanten lumapean, zubereraz beraz, "kasabet holliak" ere irakurtu dut. Zenbat hitz errealitate bakar baten izendatzeko!

Joan den urri erditan abiaturik, mugimendu sozial horrek beti dirau. Eguberri garaian hatsantzen ari zela ematen zuen bainan hor dugu beti bizkor. Dolamen kaierak ari dira loratzen. Aitortu behar da, haatik, eskakizunak halako nahas mahas burtzoragarrian aldarrikatuak direla, zaku berean ezarririk onddo kasko beltz murtxagarriak, biper biziak, marrubi kutsatuak, aza buru borobilak, patata ustelak eta arroltze kolokak. Atxikitzekoak bezainbat botatzekoak. Zer biharamun ukanen ote dute dolamen horiek? Satisfamendu baino frustrazio...

Irakurri segida

PDFa jaitsi