Herriz Herri - Azkaine (L) | 2019ko Urtarrilaren 24a
Azkaine
Musika eskolako kontzertua
Usaian bezala Kornelio elkarteak muntatzen du ikasleen kontzertua urtarril hondarrean, 27an, igandez, (15:30), Azkaingo elizan. Ondotik, errege pastiza partekatzeko Jauregian, ongi etorria egina izanen zaiote "artisteri" bai eta familia eta laguneri.
Denen Artean elkarteko berri...
Zutabe huntan ez dugu arrotza elkarte hori, selauru huste eta bertze ekintza muntatzen baititu urtean zehar. Senegaleko elkarte batekin harremanetan da, hunen proiektu bat edo bertze sustatzeko. Urte on bat desiratuz irakurleri eta laguntza zerbait ekartzen dutenak eskertuz, jakina- razten dauku Djibril, Mbaling-ko arrantzaleak ongi hasi duela urtea: piragua, arrantzarako untzia, behar dituen tresneria eta jantziekin eskuratu baititu duela egun batzuek. Gazte hunen, lagunen eta familien poza asmatzen ahal dugu! Kolibri ttikiaren ur ttintta bat gehiago!
