Martxoaren 14an, Konpon Txoko birziklategiak eta Bizi! elkarteak lurraldeko Max Brisson, Denise Saint-Pée eta Frédérique Espagnac senatariei gutun bat bidali diete, Senatuko gai zerrendan ehungintzaren ingurumen-inpaktuaren kontrako lege proposamena sartzea galdegiteko. Izan ere, badu urte bat proposamen hori blokeatua dela Senatuan, lehen irakurketan Legebiltzarrean onartu zenetik. Ekimen hau "Stop fast fashion" mobilizazioaren baitan kokatzen da. Martxoaren 14ko egun hartan hainbat sarek mobil

Kontsumo eredu agortua

Urtero, mundu osoan 150 miliar jantzi ekoizten dira, munduko berotegi-efektuko gasen emisioen %10a errepresentatzen duena. Gehiegizko produkzio horrek kutsadura masiboaz gain, jendearen eskubideak ere urratzen ditu, lan behartua eta lan-baldintza duinekin.

Frantzia estatuan, 2022an 3,3 miliar jantzi saldu ziren, hau da, urtean 48 jantzi biztanleka. Alta, Elise Robert-Lourdette Bizi! elkarteko kideak Pariseko Hitzarmena errespetatu eta berotzea 1,5°C-ra mugatzeko, biztanle batek urtean gehienez 5 jantzi berri erosi beharko lituzke.

Egoera kezkagarri honen parean, 2024ko martxoaren 14an Legebiltzarrean onartu legeak, besteak beste moda lasterraren publizitatea debekatzea eta produktu berrientzako bonus/malus sistema bat ezartzea proposatzen du. Hala ere, urte bat geroago aurrerapen hori blokeatua da Senatuan, Bizi! elkartearen iritziz herritarren eta eragile politikoen mobilizaziorik gabe sekula gauzatzen lortuko ez dena.

Moda lasterrari erantzuna

Moda lasterrari aurre egiteko, berrerabilpena eta bigarren eskuko jantziak lehenestea da aterabidea, birziklapen zentroetan erosiz. Horren karira, martxoaren 29an arratsaldez, Konpon Txokok braderia bat antolatzen du birziklategiko bigarren eskuko jantziak ezagutarazteko parada eskainiz.