Herriz Herri - Ziburu (L) | 2025eko Urtarrilaren 16a

Elkarteei eskainitako agiantzak: itsasoko sokorritzaileak ohoretan - Adinekoei eskainitako agiantzak - Hitzaldia - Bixintxo bestak

Iragan administrazio eta elkarteen agiantzak
Iragan%20administrazio%20eta%20elkarteen%20agiantzak

Elkarteei eskainitako agiantzak: itsasoko sokorritzaileak ohoretan

Urtarrilaren 7 arratsean, Ziburuko hiriak bere agiantzak eskaini dizkie administrazioei eta elkarteei, Errekoletoetan. Hasten den urteko ardatz nagusiak aurkezteko eta denen alde engaiatuak diren boluntarioak eskertzeko aukera izan da. Ekitaldia kari, hiriko medaila emana izan zaie itsasoko sokorritzaile boluntarioei. Jaun auzapezak gogorarazi duenez, “beren denbora, kemena ematen dute, baita beren bizia arriskuan jartzen ere, itsasoko profesionalen eta laket itsasturien segurtasuna bermatzeko”. Milesker haiei beren kuraia eta bihotz-osotasunarentzat!

Adinekoei eskainitako agiantzak

Urtarrilaren 9 eguerditan, CCAS zentro sozialeko lehendakaria den auzapezak bere agiantzak eskaini dizkie adinekoei, parrokiako gelan, bazkari dantzaldi baten inguruan. Elkartasunaren arloan, etorkizuneko ekintza nagusiak aurkeztu ditu, besteak beste belaunaldien arteko egoitza, Iduski Ederra elkartea eta CCAS lokalak bilduko dituen jendarte gune berriaren irekitzea, Aristide Briand gunean.

Bide batez, Iduski Ederra elkartearen animatzean eta hazkurri laguntzaren zerbitzuan ari diren boluntarioak, CCASaren noiztenkako zein betiko partaideak, administrazio kontseilukideak eta langileak eskertu ditu.

Hitzaldia

Urtarrilaren 16an (19:00), “Euskaldunak Ameriketan: XIX. mendetik gaur egun arte” hitzaldia iraganen da Baltsan elkartean, Argitxu Camus Etxekoparren eskutik. Eusko Ikaskuntzak antolaturik,Baltsanelkartearekin partaidetzan da.

Bixintxo bestak

Urtarrilaren 17tik 26ra iraganen dira Bixintxoak. Aurten ere egitarau aberatsa antolatua bada, besteak beste urtarrilaren 18 arratsean kontzertuak iraganen dira plazan (19:30), Gudadantza, Andoni Oilokiegi, Atzarbale, Tatxers eta DJ Üzkülüz taldeekin. Horrez gain, urtarrilaren 19an (17:00), herriko plazan fandango txapelketa iraganen da Begiraleak elkarteak antolaturik eta ondotik (18:00) mutxikoak izanen dira.

Besten egitarau zehatza http://www.ciboure-paysbasque.com webgunean atzeman daiteke.


Email Buffer Facebook Google Twitter Pinterest LinkedIn Digg StumbleUpon Tumblr

3779. zbk

Gure Hitza | 2025/01/16

Esperantzaren argia

Ainhoa Etchenique

Urtea hasi eta segidan bukatu. Herria astekaria sortu eta 80. urtea ospatu. 2025 urteko lehen aletik goiti diseinua aldatzea aipatu, bigarren alea atera eta hirugarrena jadaneko prestatu. Eguberri fitesko heldu zaigula oroitu eta jadanik pasatu. Hasi eta bukatu, denboraz beldur naizela ezin dut ukatu.

Zein fite pasatzen diren egunak, asteak, urteak… Kezkagarria da ikustea zein fite doan denbora. Kontrolatzen ahal ez den zerbait da, pausan eman ala gelditzen ez dena. Denbora ez da ikusten ahal den zerbait, ez da hunkitzen ez eta sentitzen ahal. Haatik, denek badakigu denbora pasa dela, denbora aitzina doala eta gu harekin.

2024 urtea hasi bezain laster bukatu zaigu. 366 egunez gauza anitz pasa dira, izan Herria astekariaren baitan bainan baita orokorkiago mundu osoan zehar ere.

2024 urte mugimendutsua izan da. Mota desberdinetako uholde anitz bizi izan ditugu...

Irakurri segida


Gurekin harremanetan sar




segurtasun kodea

Herria Euskal Astekaria - Landagoien - 875, Landagoieneko errepidea - 64480 UZTARITZE | tel: 05 59 25 62 85 | herria@wanadoo.fr

Legezko oharrak | Diseinua eta programazioa: iF Diseinuak - 2016