Herriz Herri - Hendaia (L) | 2025eko Urtarrilaren 16a

Agiantzak elkarteei eta gorputz osatuei - Kontzertua - Bixintxoak - Erakusketa

Iragan agiantzak
Iragan%20agiantzak

Agiantzak elkarteei eta gorputz osatuei

Kotte Ecenarro auzapezak, herriko kontseilariez inguraturik, bere agiantzak aurkeztu ditu urtarrilaren 10ean, inbertsio proiektu handien segitzea azpimarratuz. Halaber, elkartasunarekiko, tokiko elkarteei laguntza ematearekiko eta biztanleen erosteko ahalmenaren mantentzearekiko engaiamendua berretsi du, Hendaia hiri dinamiko eta integratzailea izan dadin. "Gure lehentasuna hendaiarren egunerokoa hobetzea da, haien “bizitzeko ahalmena” mantenduz" erran du Kotte Ecenarrok.

Kontzertua

Urtarrilaren 17an (21:00), Izaki Gardenak taldeak kontzertua emanen du Borderline Fabrikan. Sartzeak 10 euro kostako du.

Bixintxoak

Urtarrilaren 17tik 26ra iraganen dira. Huna informazio praktiko batzu: Zaldiko-maldikoak Gaztelu Zaharreko aparkalekuan eta pilotalekuan izanen dira; asteburu honetan hasiko da, urtarrilaren 26a arte. Asteazkeneko merkatua Gaztelu Aretoko zabaldegian eginen da besta garaian. Oraindik tokiak gelditzen dira herriko adinekoentzako askariarentzat; urtarrilaren 21ean asteartez iraganen da (15:00) Gaztelu Aretoan, musika animazioarekin. Erreserbatzeko: 05-59-48-23-10. Bixintxoen egitarau zehatza www.calameo.com webgunean atzeman daiteke.

Erakusketa

Urtarrilaren 8tik otsailaren 1era Mendi Zolan kulturgunean “Lupa” erakusketa ikusteko aukera izanen da. Ezagutu 8 emazteren arte prozesu paregabea, erakusketa honen bidez esperientzia kolektibo bat partekatzeko elkartu direnak! Artistak: Larraitz Ugartemendia Otxoa de Alaiza, Dolo Marina, Irantzu Lekue, Idoia Beratarbide Arrieta, Jenni Alvarado, Miren Gonzalez Goikoetxea, Ainhoa Larzabal, Leire Salaberria dira.

Email Buffer Facebook Google Twitter Pinterest LinkedIn Digg StumbleUpon Tumblr

3779. zbk

Gure Hitza | 2025/01/16

Esperantzaren argia

Ainhoa Etchenique

Urtea hasi eta segidan bukatu. Herria astekaria sortu eta 80. urtea ospatu. 2025 urteko lehen aletik goiti diseinua aldatzea aipatu, bigarren alea atera eta hirugarrena jadaneko prestatu. Eguberri fitesko heldu zaigula oroitu eta jadanik pasatu. Hasi eta bukatu, denboraz beldur naizela ezin dut ukatu.

Zein fite pasatzen diren egunak, asteak, urteak… Kezkagarria da ikustea zein fite doan denbora. Kontrolatzen ahal ez den zerbait da, pausan eman ala gelditzen ez dena. Denbora ez da ikusten ahal den zerbait, ez da hunkitzen ez eta sentitzen ahal. Haatik, denek badakigu denbora pasa dela, denbora aitzina doala eta gu harekin.

2024 urtea hasi bezain laster bukatu zaigu. 366 egunez gauza anitz pasa dira, izan Herria astekariaren baitan bainan baita orokorkiago mundu osoan zehar ere.

2024 urte mugimendutsua izan da. Mota desberdinetako uholde anitz bizi izan ditugu...

Irakurri segida


Gurekin harremanetan sar




segurtasun kodea

Herria Euskal Astekaria - Landagoien - 875, Landagoieneko errepidea - 64480 UZTARITZE | tel: 05 59 25 62 85 | herria@wanadoo.fr

Legezko oharrak | Diseinua eta programazioa: iF Diseinuak - 2016