Herriz Herri - Donoztiri (NB) | 2026ko Maiatzaren 07a

Pilota txapelketak - Panneau Pocket - Auto itzulia 2026

Pilota txapelketak

Larunbatean izan dira pilota txapelketak Sanokin gelan.

Partidak ederrak izan dira. Final kontsolantean, Mickael Jaureguy eta Damien Pourteauk galdu dute Xan Suzanne eta Christophe Jaureguiberryren kontra.

Emazteen finalean, Nadia Recalde eta Mikela Destribats-ek galdu dute Marina Cachenaut eta Christine Lacroix-ren kontra.

Gizonen finalean, Raphael Lagourgue eta Gilen Sorhouet-ek galdu dute Guillaume Jaureguiberry eta Sebastien Haristoyren kontra.

Ikusten duzue xuri guziek irabazi dutela.

Bazkari on baten inguruan jendeak elgarretaratu dira eguna bukatzeko.

Panneau Pocket

Donoztiriko herria hementik goiti sartu da aplikazio hortan abisatzeko Donoztiriko biztanleak.

Aski da ordenagailu edo mugikorrean sartzea panneau pocket.com helbidera eta herria sartzea. Ikusiko duzue argazkizBil Toki etxeko lanaren aurrerapena.

Auto itzulia 2026

Maiatzaren 9an, auto itzulia pasatuko da Donoztiritik. Bidaia 2.200km-koa da eta Parisetik Miarritzerat izanen da. Ikusiko da lehengo lasterketa-autoa. Izturitzetik Lekuineko bidean pasako dira (15:00-15:30).

Euskarari bai, murrizketei ere bai…

Ainhoa Etxenike

Berria fite hedatu da: apirilaren 27an, Urruñako herriko kontseiluko lehen osoko bilkuran, 26.500 euroko diru murrizketa bozkatua izan da elkarteen diru laguntzetan. Besteak beste Seaska da kaltetuena izanen, Urruñak emanen dien laguntza 22.000 eurotik 2.500 eurora pasako baita, hau da %89 gutiago. Oro har, euskararen aldeko diruztatzean %71ko apaltzea izanen da. Seaska kaltetzeaz gain, AEK, Euskal Konfederazioa, Uda Leku eta Hazia elkartea bezalako egiturak ere kaltetuak izanen dira.

Erabaki zentzugabekoagoa gainera, bilkura hastapenean Azterketak Euskaraz-ek Herriko Etxeak euskarazko azterketen aldeko jarrera har dezan aurkeztu mozioa onartua izan baita. Xuri erran, beltz egin…

Berri kezkagarri hunen parean, Urruñako ikastolak agiri bat zabaldu du, bere desadostasuna jakinarazteko. Horretarako, Sebastien Etchebarne auzapez berriak bere taldearekin hauteskunde programan eta kanpainako agirietan...

Irakurri segida

Gurekin harremanetan sar