Herriz Herri - Ziburu (L) | 2026ko Maiatzaren 07a

Odol ematea - Ikusgarria - Azokaroaren hitzordua

Odol%20ematea%20-%20Ikusgarria%20-%20Azokaroaren%20hitzordua

Odol ematea

Maiatzaren 15ean ostiralarekin (15:00-19:00), odola emateko parada izanen da Guy Poulou erabilera anitzeko gelan. Usaian bezala, aitzinetik hitzordua hartu behar da dondesang.efs.sante.fr plataformaren bitartez. Zatozte trumilka, emaitza bakoitzak balio du!

Ikusgarria

Maiatzaren 7an (19:00), “Kankarro” ikusgarria emanen da Zokoako pilota plazan. Zirkua eta dantzaren artean, “Kankarro” ikusgarriak Euskal Herriko sagar kulturan inspiraturiko mundu poetiko batean murgilduko gaitu. Aire eta zentzumen ikusgarri horretan, zintzilikaturiko uhalek eta gorputzek grabitateari buru egiten diote. Laborantza antzeei eskainiriko oda, tradizioa eta sorkuntzaren artean. Europar Batasunak diruz laguntzen duen EKO Zirkuko Pirinioak lankidetza proiektuaren harira aterpeturiko ikusgarria da (Interreg POCTEFA 2021-2027 programa). Eleanitzetan, urririk eta denei idekia da.

Azokaroaren hitzordua

Maiatzaren 7an (19:00), galeserari buruzko gaualdia iraganen da Baltsanen. Robin Farrar-en hitzaldia izanen da, ondotik Gwilym Bowen Rhys-en kontzertua. Sartzeak 10 euro kostako du. Ongi etorri deneri!

Euskarari bai, murrizketei ere bai…

Ainhoa Etxenike

Berria fite hedatu da: apirilaren 27an, Urruñako herriko kontseiluko lehen osoko bilkuran, 26.500 euroko diru murrizketa bozkatua izan da elkarteen diru laguntzetan. Besteak beste Seaska da kaltetuena izanen, Urruñak emanen dien laguntza 22.000 eurotik 2.500 eurora pasako baita, hau da %89 gutiago. Oro har, euskararen aldeko diruztatzean %71ko apaltzea izanen da. Seaska kaltetzeaz gain, AEK, Euskal Konfederazioa, Uda Leku eta Hazia elkartea bezalako egiturak ere kaltetuak izanen dira.

Erabaki zentzugabekoagoa gainera, bilkura hastapenean Azterketak Euskaraz-ek Herriko Etxeak euskarazko azterketen aldeko jarrera har dezan aurkeztu mozioa onartua izan baita. Xuri erran, beltz egin…

Berri kezkagarri hunen parean, Urruñako ikastolak agiri bat zabaldu du, bere desadostasuna jakinarazteko. Horretarako, Sebastien Etchebarne auzapez berriak bere taldearekin hauteskunde programan eta kanpainako agirietan...

Irakurri segida

Gurekin harremanetan sar