Herriz Herri - Baiona (L) | 2026ko Maiatzaren 07a

Hitzaldia - Liburu aurkezpenak - Señora sariketa

Xipri%20Arbelbide%20(Arg:%20Sebastien%20Huste) — Xipri Arbelbide (Arg: Sébastien Husté)

Hitzaldia

Maiatzaren 7an (18:00), Jérôme Ibarzo “Bidaia Baionako desagertutako monumentuen gaindi” gaiaren inguruan mintzatuko da Euskal Museoan.

Liburu aurkezpenak

Maiatzaren 7an (18:30), Xipri Arbelbideren “Requiem” liburuari buruzko eztabaida iraganen da, Elias Goñi eta Beñat Castorenerekin. Hitzordu hori Biltxokon iraganen da.

Bertzalde, maiatzaren 15ean (19:00), “Palestina eta ekialde hurbila sutan 2023-2024”liburuaren aurkezpena eginen duIñaki Lopez de Luzuriagak. Hau ere Biltxokon.

Señora sariketa

Maiatzaren 16an (18:00), Señora bertsu sariketa iraganen da Zizpa gaztetxean. Maddi Agirre, June Astegieta, Nahia Etxeberri, Oihana Iguaran eta Ana Picallo izanen dira bertsulariak, gai emailea Aintzane Irazusta izanen delarik.

Euskarari bai, murrizketei ere bai…

Ainhoa Etxenike

Berria fite hedatu da: apirilaren 27an, Urruñako herriko kontseiluko lehen osoko bilkuran, 26.500 euroko diru murrizketa bozkatua izan da elkarteen diru laguntzetan. Besteak beste Seaska da kaltetuena izanen, Urruñak emanen dien laguntza 22.000 eurotik 2.500 eurora pasako baita, hau da %89 gutiago. Oro har, euskararen aldeko diruztatzean %71ko apaltzea izanen da. Seaska kaltetzeaz gain, AEK, Euskal Konfederazioa, Uda Leku eta Hazia elkartea bezalako egiturak ere kaltetuak izanen dira.

Erabaki zentzugabekoagoa gainera, bilkura hastapenean Azterketak Euskaraz-ek Herriko Etxeak euskarazko azterketen aldeko jarrera har dezan aurkeztu mozioa onartua izan baita. Xuri erran, beltz egin…

Berri kezkagarri hunen parean, Urruñako ikastolak agiri bat zabaldu du, bere desadostasuna jakinarazteko. Horretarako, Sebastien Etchebarne auzapez berriak bere taldearekin hauteskunde programan eta kanpainako agirietan...

Irakurri segida

Gurekin harremanetan sar