Lezeak

Sarako lezeek plazer handi batekin prestatzen diote lekua Xabi Berrouet-i, bere “Sara lañopean” argazki erakusketa egiteko, maiatzaren 4tik 17a arte. Baratzezaina da, bainan maite du argazkiak ere egitea eta horiek ikusita, ohartuko gira argazki horiek zein ederrak diren Sarako mendiak eta eremuak lainopean. Bertzalde, ez ahantz Pontx pailazoarekin badirela bisitak maiatzaren 11n, 18an eta 25ean. Pontx pailazoak bisitariak agurtu ondotik, lezearen bisitari ekingo dio taldeak. 45 minutuko bisita gidatua lezeen barruan. Bukatzean bisitariek Pontxekin momentu berezi baten partekatzeko aukera ukanen dute; argazkiak, solasaldiak eta bestelakoak.

Abisu

Maiatzaren 8an beteranoen eguna, meza (11:00) izanen da eta ondotik loreak emanen dira bi hilerrietan. Elizan kontzertua (21:30) Ezpeleta Kantuz taldearekin.

Maiatzaren 9an Urrats Gaua kiroldegian, gaztetxeak antolaturik.

Herriko zentro soziala

Aitzineko egunetan buxeta bozkatu dute 72.800€-koa. Orain ikusi behar da kontseiluak onartuko duen, normalki bai.

Pilota

Plaza laxoan, esku-huska: gaztetxoak: Goyeneche Mikel-Sanjuro Behoteguy Jon galtzaile 00-30 Ñapurrak-en kontra.