Aro zinez hauta zuten lasterkariek joan den larunbatean, mendietan gora eta behera ibiltzeko.

24 kilometroko lasterketan (BK24), 289 lasterkari helmugaratu dira. Mickael Etcheverry kanboarra da nagusitu (2:37:00), bigarren Victor Lopez Laseca (+5:45), hirugarren Erdozain Ibon beratarra (+7:52). Emazteetan, 1. Maite Casiriain ortzaiztarra (3:17:26), orotara hamazazpigarren; 2. Aline Martin, Ainarak elkartekoa (+13:46); 3. Sara Maria Alcazar Gomez (+18:28).

45 kilometroko lasterketan (BK45), aurten ez zen hor sei aldiz garaile atera den Maxime Cazajous biarnesa, aitzineko egunetan zangoan minarturik. Helmugaratu diren 300 lasterkarietan, Remy Darguy Euskal Raid-ekoa da garaile atera (4:45:49); bigarren Pantxo Saint-Martin saratarra, segundo batera (egia erran bi lehenak eskuz esku arribatu dira, beti kasik elgarrekin ibilirik); hirugarren Nathan Remigereau, Chantonnay herrikoa, Vendée (+12:28). Emazteetan, 1. Carole Duhart senpertarra (5:53:11), hogoita zazpigarren orotara; 2. Cécile Serça baionesa (+4:29); 3. Fatima Samatin Gonzalez (+11:19).

Giro pollita zen plaza bixkarrean. Beti bezala antolakuntza ona azpimarratu dute korrikalariek. Eta mahain inguruak ere alegera ziren.