Lan Opor Programa akordio bat da, nun gazteek atzerrira bidaiatzeko aukera duten. Bakantzak eta lana uztartuz, abian diren estatura lan egiteko eskubidea dute, beren egonaldia finantzatuz. Urtero, 50 bat herrialdetan ehunka mila gazte ibiltzen dira.

Lan Opor Programan parte hartzeko baldintzak

Lan Opor Programan parte hartzeko adin muga herri batetik bestera aldatzen da, akordioa bi estatuen artean finkatua da, programa horretan sartzeko baldintzak adosten dituzte (adin muga, egonaldiaren iraupena, beharrezko dokumentuak...). Orokorrean, 18 eta 30 urte arteko gaztea izan behar da, Australian, Kanadan eta Argentinan 35 urte artekoa.

Bestalde haurrik ez da ukan behar, pasaporte balioduna eta bere herrira itzultzeko txartela ordaintzeko ahalak ukan behar dira. Egonaldiaren hastapenean etortzen den gazteak beharrezko baliabide ekonomikoak ukan behar ditu, diru kopurua estatuaren arabera aldatzen da eta urtero berriz definitua da. Izena pausatzerakoan motibazio gutuna presentatu behar da, medikuaren agiria eta ospitaleratze arriskuak estaltzen dituen aseguru pribatua. Estatu bakoitzak osasun irizpide zehatzak ukan ditzake.

Oporrak eta lana uztartu

Dirua irabaztea bidaiatuz ideia erakargarria da. Lana eta oporrak uztartzea, bakantza tradizional baten alternatiba ekonomikoa izan daiteke. Turista bisarekin konparatuz, molde honek dirua irabazteko aukera emaiten du, hautatu lurraldean legez lan eginez. Aukera anitz idekitzen dira asteburuetan edo misioen artean, egutegiaren arabera, bisita turistikoak antolatzen ahal dira bidaia luzeak posible eginez.

Atzerrian denbora luzez bizitzea kultura ezagutzeaz harago, herritarrekin eguneroko bizitza partekatzen da. Beste estatu batean egoiteak ezagutza berriak ekartzen ditu, opor klasiko batean ezinezkoa dena. Lekuko jendeekin lotura sakonagoak sor ditzake, anitzetan garapen pertsonala eta esperientzia ahaztezinak ekar ditzake, munduko ikuspegia aldatzen duena. Hizkuntza berri bat ikasteko ere aukera ezin hobea da, egiazko testuinguru batean hitz egiteko trebetasunak hobetzen dira.

Esperientzia ezin hobea

Bidaiari gisa, lan-oporrak beste modu baten gozatzeko aukera emaiten du. Jendea ezagutzeko, paisaia paregabeak miresteko, hizkuntza berriak ikasteko, hots mundua ezagutzeko. Bidaia finantzatzeko diru-sarrera gehigarri bat da. Kultura trukatzeko aukeraz gain, Gobernuz Kanpoko Erakundeetatik, etxe edota kabala zaintzara, itsasontzi eta baserriko egonaldietara, mundu osoan lan proposamen anitz bada.

Atzerrian bizitzea eta lan egiteak garapen pertsonalean laguntzen du, esperientzia aberasgarriak sortuz eta sare profesionala zabaltzeko aukera emanez. Gainera, esperientzia horrek CV bat hobetzen du, testuinguru desberdin batean bizitzeko gaitasuna erakusten du, gaur egungo mundu globalizatuan enplegatzaileek eskatzen dutena.

Baldintzak

Lan-oporretako bisa eskatzeko hainbat urrats badira, estatuen arabera modalitateak anitz aldatzen dira. Herri batzuek, hala nola Australiak ez du eskakizun handirik galdegiten eta prozedura sinplea da. Beste batzuk aldiz, hala nola Asia Ekialdeko estatu batzuek dokumentu gehiago eskatzen dituzte eta inkestak eramanak dira. Orokorrean, pasaportea, egonaldian finantza gaitasuna frogatzen duen banku-agiria, justiziako erregistro garbia eta beharrezko baimenak eman behar dira.

Herrialde gehienek 24 hilabeteko egonaldiak onartzen dituzte, ezinbestekoa da helmuga bakoitzerako bisa emaiten duten estatuen zerrenda publikatzea, sare sozialen bidez atzeman daiteke.

Estatu bakoitzak bere webgune ofiziala badu, bisaren eskuratzeko prozedurak agertzen dira. Hautagaitza aski goiz pausatu behar da, herri batzuk eskaera prozedura luzeak dituztelako.

Lan mota desberdinak

Lan-oporretako aktibitateen hautatzea zaila izan daiteke, aukera anitz badirelako: ostalaritzan sukaldari edota zerbitzari, udako kanpamenduetan animatzaile, baserrietan langile… eta erakaskuntzan. Proposatuak diren lan eskaintzetan hautatua den tokiak eragin handia du. Orokorrean, hiriburu nagusiek ostatu, taberna eta bestelako ostalaritza lanetarako aukera onak eskaintzen dituzte eta laborantza lana munduko edozein lekutan aurki daiteke.

Zeelanda Berria munduko natur ederrenetako eta kutsatu gabeenetako lurraldea da, aktibitate anitz proposatzen ditu. Bizitzeko kostua beste herrialde batzuekin konparatuz nahiko gora da. Lan-oporretako bisa lortzea aski errexa da. Laborantzan proposamen anitz badira, bereziki behi esnedunen etxaldetan.

Kanada ezinbesteko beste helmuga bat da. Neguko kirol guneetan proposamenak badira, naturan murgiltzeko eta tokiko herritarrekin bizitzeko aukera ona. Honako profilak bilatzen dira: kanpamenduko aholkulariak, sukaldariak, ostatuetako laguntzaileak, argazkilariak, bideografoak, mantentze teknikalariak.

Hego Koreak, bere ekonomia dinamikoarekin, lan aukera anitz eskaintzen ditu, batez ere gastronomian eta permakulturan. Nahiz eta oraindik ez den denbora osoz lan egiten ahal, Hego Koreako opor bisak dirua irabazteko aukera emaiten du, turismo aktibitateak finantzatzeko, turista soil batentzat garestia izan daitekeena.