Euskal diaspora | 2026ko Uztailaren 30a

Milioi bat euro Euskal Etxeendako, 2026ko Munduko Pilota Txapelketa eta San Ignazio Diasporan

Joseba Etxarri

SAINT%20PIERRE%20eta%20MIKELUNE.%20120%20urte%20betetzen%20ari%20da%20aurten%20Saint%20Pierreko%20Zazpiak%20Bat%20euskal%20pilota%20kantxa.%201906koa%20da_%20porlanez%20egina_%20lehenago%20zurezkoa%20zenaren%20lekuan.%20Orain_%20hondarreko%20egunetan_%20arranjatu_%20margotu%20eta%20apailatu%20berria%20dute%20(milesker%20alkatetzari)%20aurten%20agorrilaren%2010etik%2016ra%20bertan%20eginen%20diren%20Euskal%20Besten%20ospatzeko.%20Zorionak%20kantxa_%20eta%20besta%20on%20SPMko%20euskalduneri!%20(arg:%20St%20Pierreko%20meria) — SAINT PIERRE eta MIKELUNE. 120 urte betetzen ari da aurten Saint Pierreko Zazpiak Bat euskal pilota kantxa. 1906koa da, porlanez egina, lehenago zurezkoa zenaren lekuan. Orain, hondarreko egunetan, arranjatu, margotu eta apailatu berria dute (milesker alkatetzari) aurten agorrilaren 10etik 16ra bertan eginen diren Euskal Besten ospatzeko. Zorionak kantxa, eta besta on SPMko euskalduneri! (arg: St Pierreko meria)

DIRULAGUNTZAK. Eusko Jaurlaritzak argitara eman berri ditu munduko Euskal Etxeen laguntzeko 2026ko dirulaguntzak. Orotara 1.030.000 euro banatuko ditu dirulaguntza galdegiten duten Euskal Etxeen eta Euskal Etxe federazioen artean. Helburua, heien programa, jarduera eta aktibitateen lagungarri izatea eta, hein tipiagoan, egoitza, eraikin eta higiezinen sostenguan laguntzea. Beti ere programa eta aktibitate ez-komertzialak behar dute izan, kultur arlokoak eta irabazteko xederik gabeko elkarteeri dagozkienak. Galdegiteko epea agorrilaren 16ra artekoa da eta munduan ofizialki erregistraturik diren abantzu 200 Euskal Etxek dute galdegiteko eskubidea.

MUNDUKO PILOTA. 2026ko Munduko Pilota Txapelketa ofiziala Argentinan eta Uruguain jokatuko da urriaren 15etik 24ra, izan ere Argentinako Buenos Aires hirian eta Uruguaiko Colonia del Sacramenton, Euskal Selekzioa partaide. Euskadiko Selekzioarekin batera, Argentina, Bolivia, Brasil, Txile, Costa Rica, Kuba, Ameriketako Estatu Batuak, Frantzia, Espainia, Mexiko, Peru, Portugal, Uruguai eta Venezuelako selekzioek jokatuko dute. Txapelketa hunekin, Río de la Platara itzuliko da munduko pilotaren erdigunea, oroitzekoa baita Nazioarteko Euskal Pilota Federazioa (FIPV) Argentinan sortu zela 1929an. Uruguaiko kantxan xistera jokatuko da, Coloniako San Carlos frontoian, 1910ean eraiki kantxa historiko zaharberrituan.

SAN IGNAZIO. Heldu den asteburuan eta ondoko astean ospatuko dira munduko hainbat Euskal Etxe eta komunitatetan San Ignazio besta eta jaiak. Gogoratu saindu euskalduna zaindari ofiziala dela Gipuzkoan (bertako Loiolan sortua baitzen) eta Bizkaian (hor, zaindari, bertako Balendin Berriotxoa sainduarekin batera). Diasporako San Ignazio bestak (San Inazio, Iñaki Deuna eta izen gehiagorekin deituak) tradizio handikoak dira, konparazio Argentinako Arrecifes eta Necochean, baina beste hainbat lekutan ere. Argentinan bertan, hala nola Viedman, Villa Marian, San Nicolasen, Buenos Airesen, Rosarion, Azulen... Estatu Batuetan, famatuak dira Boiseko San Inazio jaiak, baina ospatzen da baita ere (uztailaren 31ren inguruan) Txileko Santiago eta Viña del Mar-Valparaison, Espainiako Madrilen, Sydney Australian, Caracasen, Mexikon... bertako Euskal Etxe eta elkarteen eskutik.

Bidaia on deneri!

Ainhoa Etxenike

Zeru urdin-urdina, eguzki izpi beroak, betaurrekoak sudur gainean, autoko berinak idekirik ileak airean… Argi da, udan gira!

Udak giro berezia sortzen du, udazken, negu eta udaberrian eraman lan guzia alde batera utzi, eta nolazpait nahi den bezala bizi eta gozatzeko aukera eskaintzen digu, arazoak bazter batera utziz.

Hala ere, beste mota batzuetako arazoak (berriz) deskubritzen ditugu. Egun guziak ez dira beti jasangarriak izaten, eguraldiak erabakitzen duenaren arabera. Baina udako egun luzeek jendea alaia eta uros izatea bultzatzen dute. Erran daiteke udan beste molde batez bizitzen dela.

Uztail edota abuztuak ziklo baten bukaera bezala markatzen dute, eskolen hestearekin edota oporrekin. Enpresa anitzek ere ez dute lanik egiten, aste pare batez langileek garai hortaz gozatzeko parada dutela, familian edota lagunartean denbora...

Irakurri segida

Gurekin harremanetan sar