Urtetik urtera feria arra-heldu da, usaiak beiratuz eta berritasunak gehituz.

Aurten, ostiralez, uztailaren 31n zaldiek, pottokek, astoek, beteko dute Garruzeko plaza zabala, eta larunbatez agorrilaren 1ean behi, aratxe, zezengai ederrenak beren hazle eta tratulariekin hor kausituko ditugu. Bi berritasun: ostiralez (17:00), artzain xakur lehiaketa ikusgarri kitozkoa, eta ostegun arrastirian (18:00) pilota partida oraiko pilotari hoberenekin, dohainik ere, eta amikuztar laborarien mozkinak jastatzeko paradarekin. Usaian bezala, egun horietan plaza handia beteko da jendez, kabalez, edozoin puska saltzaileez, laborantzako tresneria frangoz, giro gozo eta alaitsuan.

Erran gabe doa hor berean izanen dela jan eta edateko hauta denentzat, eta kontseilatua da ere apairuetako eta partikulazki aingirak jan nahi dituzteneri (arrakasta gaitza dute) lekua erreserbatzea 06-88-00-55-56 zenbakira deituz.