Pilota

Gure Doiako finalak

Joan den ibiakoitzean, Gure Doia trinketean ginituen final nagusiak. Huna emaitzak:

Hirugarren mailan: Iñaki Oillarburu-Bixente Mateo 40/Peio Dujol-Andoni Darrieumerlou 31.

Bigarren mailan: Xabi Artiguebielle-Iztebe Oihenart Etxart 40/Patxi Agorrody-Aimar Oçafrain 23.

Lehen mailan: Eneko Etchevers-Peio Migueltorena 40/Benjamin Gachen-Nicolas Essain 39.

Ondotik, bai pilotariak, bai segitzaileak goxatu dira afari on baten inguruan.

Eskerrak, GDT edo Gure Doia trinketeko taldeari, holako lehiaketa antolaturik, aurten ere 50 pare baino gehiagok parte hartu baitu.

Plaza laxoan, aldiz, bigarren mailako Euskal Herriko Bidart-Etchegaray txapeldunek, Frantziako xapelgoko final-laurdenak jokatu dituzte Uhaldean-eko Bidart anaien aurka Iholdiko plazan eta 30-25 irabazi dute. Orain, Paolo eta Julienek, agorrilaren 1ean Donaixtiko kantxan finalerdiak jokatu beharko dituzte Ñapurrak-ekoen aitzinean.

Bestalde, udako bi lehiaketak, bai plazakoa eta trinketekoa, beti aitzina doatzi. Horrela, arrastiri guziz, giroa sortzen da herriko bihotzean.