Herriz Herri - Arrosa (NB) | 2026ko Urriaren 22a
Arrosa eta Artazuren arteko adiskidantza bizirik
Urriaren 10ean, larunbatez, Arrosako 45 herritar Nafarroako Artazu herrira joan dira, adiskidantza eta kulturaren inguruko egun baten partekatzera. Bi herrien arteko lotura XVI. mendetik heldu da, Domingo Iriarte arrosarra Nafarroan bizitzera joan zen garaitik. Historia komun hori bizirik atxikitzeko eta harremanak sendotzeko abiatu zituzten topaketa hauek, 2024an.
Artazuko herritarrek harrera beroa egin diete arrosarrei. Arteari eta eskulangintzari eskainitako erakusketa baten bidez, artista eta ofiziale anitzen obrak ezagutzeko parada izan dute. Ondotik, bazkari goxo baten inguruan bildu dira, solastatzeko eta elkar hobeki ezagutzeko.
Oroitzapen ederrekin itzuli dira arrosarrak, bi herrien arteko harremana segitzeko gogoz. Artazuko lagunak eskertu dituzte, harreragatik eta egunaren antolaketagatik.
