Eduardo Moreno Bergaretxe Pertur. Biktimarik gabeko desagerpena izeneko erakusketa zabaldu dute urriaren 13an, Donostiako Okendo plazan eta azaroaren 2ra arte izanen da ikusgai. Erakusketa honen antolatzailea Gogora Memoriaren Euskal Institutua da. Estreina ekitaldian parte hartu dute Alberto Alonso Gogora Institutuaren zuzendariak, Maria Jesus San Jose Eusko Jaurlaritzako Justizia eta Giza Eskubideen sailburuak eta Jon Insausti Donostiako auzapezak.

22 panelez osatua den erakusketak frankismoaren azken aldiaren eta Trantsizioaren testuingurua, Perturren bizitzaren azken hilabeteak eta 50 urteren ondotik oraino argitu gabe dagoen desagerpenaren egiletzari buruzko hipotesiak aztertzen ditu. Eduardo Moreno Bergaretxeren familiako argazkien, Perturrek eskuz idatzi gutunaren, orduko prentsako profesionalen irudien eta hemerotekako dokumentuen bidez, kontakizun historikoa eta oroimena eta giza eskubideak ardatz dituen ikuspegia uztartzen ditu erakusketak.

Joan den astean jakitera eman da zein izanen diren aurtengo Euskadi Literatura Sarien lehen irabazleak. Euskarazko literatura saria Ixiar Rozasek eskuratuko du “Narrugorririk” liburuarentzat. Yolanda Arrietaren “Zurtz” lanari joanen zaio euskarazko haur eta gazte literatura saria. Ilustrazio saria, berriz, Kike Ibañezek ukanen du “El diablo sobre ruedas” obrarentzat.

Ixiar Rozasen “Narrugorririk” lanaren kasuan, “egileak egiten duen literatur esplorazio lana” azpimarratu du epaimahaiak, “hizkuntzaren bidez adierazteko modu berriak bilatu eta literatura-generoen artean mugitu baita”.

Euskarazko Haur eta Gazte Literaturaren sariko epaimahaiak Yolanda Arrietaren Zurtz obra hautatu du ume-zurztasunaren kontzeptuari ematen dion erranahi zabala eta iradokitzailearengatik. Literatura Lanaren ilustrazioaren epaimahaiak Kike Ibañezen lana saritu du “aparteko kalitate artistiko eta narratiboa” erakusten duelako. Testua laguntzeaz gain, marrazkiek...

Nafarroako gobernuak eta Espainiakoak ikerketa, garapena eta berrikuntza (I + G + B) eskumena foru erkidegoaren esku uzteko hitzarmena adostu dute. Maria Txibite Nafarroako presidenteak adierazi du hori berri ona dela Nafarroarentzat eta nafartarrentzat, eta kontent agertu da eskumenak autogobernua indartzen lagunduko duelako: “I + G + B eskumenari esker, arlo horretan gaitasun handiagoa izango dugu erabakitzeko. Uste dut Nafarroan lan ona egiten zela arlo horretan, eta honek aurrera segitzen lagunduko digu, anbizio handiagoa izaten”. Presidenteak oroitarazi du lurralde berritzaile eta indartsua dela Nafarroa eta barne produktu gordinaren %2,34 inbertitzen duela sail horretan. Eskualdaketaren eragin ekonomikoari dagokionez, Espainiako Gobernuaren aurrekontuetan Zientzia, Berrikuntza eta Unibertsitate Ministerioari dagozkion diru sailak hartu dituzte kontutan. Gaur egun, 829 milioi euroko balioa dute aipatu dituzten diru sailek, eta hortik 13,3 milioiren balioa dutenak pasatuko...

Velora enpresa taldeak ehun milioi euroko inbestimendua eginen du Araban, sare elektrikorako osagaiak ekoitziko dituen lantegi bat eraikitzeko. Egitasmoak laguntza publikoa ukanen du, Eusko Jaurlaritza eta Ekarpen funtsa ere partaide izanen baititu. Oraino ez dute zehaztu lantegia non kokatuko den, baina erran dute 2028rako bukatu nahi dutela, 2029aren lehen seihilekoan martxan ezartzeko esperantzarekin. Lantegi berriak ehun langile enplegatuko omen ditu.

Velora taldeak Andaluzian du egoitza, baina Euskal Herrian ez da arrotza, Haizea Wind Group sortu baitzuen Bilboko portuan haize errotetarako dorreak eraikitzeko. Enpresako arduradunek azaldu dutenaren arabera, lantegi berrian sare elektrikoak eta sare adimendunak hedatzeko beharrezkoak diren osagaiak eginen dituzte. Haien hitzetan, sarearen zabalkundea funtsezkoa da energia trantsiziorako eta ekonomiaren hornidura elektrikoarentzat, gaur egungo sarea bete-betea omen baita.

Eustat Euskal Estatistika Erakundeak EAEko ekonomia zertan den azaldu du joan den astean. Datuek erakusten dute Euskal Autonomia Erkidegoko Barne Produktu Gordina (BPG) %2,2 emendatu dela aurtengo hirugarren hiruhilekoan, iazko epe berarekin alderatuz. Emendatze honen jatorrian daude bereziki zerbitzu eta eraikuntza sektoreak. Halaber, 12.700 lanpostu sortu dira, joan den urteko garai berean baino %1,3 gehiago.

Urriaren 17an egin den Ordiziako azokan EHKOlektiboak EHKO Mantangorria zigilua aurkeztu du. Marigorri baten itxura duen logo honek Euskal Herri osoko etxalde eta elikagai agroekologikoak identifikatuko ditu. Ziurtagiria erdiesteko lau irizpide bete beharko dira: ekoizpena ekologikoa izatea, lekuan lekuko inguruneari lotua eta biodibertsitatean oinarritua izatea, etxaldean lan egiten duten pertsonen zaintza bermatzea, ekonomia sozial eta eraldatzailea izatea, hots, ziklo laburren bidez lan egitea.