Sortze

Joan den apirilaren 3an, Harrigaineko Caroline Roussy eta Yvonnick Douard andere jaunek ongi etorri egin zioten Maxence, Jean, Eugène deitu duten semeari. Goresmenak burasoei eta bizitza luze eta zoriontsua sortu berriari.

Abarratia pilota batasunean lehendakari berriak

Abarratia pilota batasunaren biltzar nagusia berriki bildurik, hunen bulegoa ondoko astean bildu zen lehendakaritza berriaren izendatzeko. 10 urtez ko-lehendakaritza segurtaturik, Jean-Michel Iribarne eta Cédric Nobliak lekua bertze bikote berri bati utzi dute: Bereau Frédéric eta Martinon Frédéric. Hauek pilota mundua ongi ezagutzen dute, aspaldi baitu pilotari gazteekin trinket eta plazetan ibiltzen direla. Ondorioz, elkartea ongi kudeatuko dutela ez dugu dudarik. Goresmenak lehendakari bikote berriari. Bestalde, Chantal Etchevers andereak segitzen du idazkari izaiten eta Frantxua Sabalouek ere diruzain izaiten. Lan on bat egin dezatela pilotaren onetan!

Gaztetxoek finalean galdu, Pierre Etcheverry finalean

- Union Basque batasunak antolatu pilota lehiaketaren finalak, joan den asteburuan Urruñako trinketean iragan ziren. Abarratia pilota batasuneko pare bat finalean arizan zen, gaztetxoetan. Mikel Harguindeguy eta Mattin Anchordoquyk senpertarren kontra 21/40 galdu dute. Halere txapelketa ederra egin dute. Biba zuek!

- Buruz-buruka trinketean, helduetan lehen mailan, Pierre Etcheverryk joan den ibiakoitzean balentria ederra egin zuen, finalerdietan 40/21 nagusitu zen Malik Niang garaztarrari, Lekorneko trinketean. Finalean Vincent Bideondo urruñarraren kontra ariko da. Partida hau, heldu den igandean iragan beharra da (18:00), Lekorneko trinketean aldi huntan ere. Txapelaren eremaitea merezi luke.