Egun eta bihar | 2023ko Apirilaren 20a

Biziki presatua!

J-B D

Pariseko legezain nagusiek jakinarazi dute beraz zer dioten gobernuak erretreta-solas onartarazi lege berriaz. Zatiño zonbait baztertu bainan ez haatik aipagarriena, erretretaren hartzeko adina bi urtez gibelatzen duena. Berria jakin orduko ministro bat, Olivier Dussopt, arizan da dena espantu, gisa hortan Emmanuel Macron lehendakariak eskubide guziak bazituela legearen martxan ezartzeko. Bi aste bere esku hortarako. Bainan ez du bi asterik igurikatu, ez bi egunik ere, zonbait orenen buruan gauaz gau egin du urrats hori, Sophie Binet CGT sindikatuaren burulehenak ahalgingarria kausitu duena! Aldiz, Elisabeth Borne gobernuburua doi bat arizan da giroaren goxatzera, erranez legezainen erabaki horrekin ez zela nehor irabazle eta ez ere nehor galtzaile. Zazi zu haatik nola hartu behar diren holako solasak!

Dena den, presatua zen Macron, biziki presatua, ote pikatzera lasterka joan behar balu bezala! Zergatik holako presa gaixtoa, bere larderia handi-handia erakutsi nahiz beharbada? Zernahi gisaz arrangurak ez dira eztitu eta anitzek zernahi gisetara erran dute zez direla batere ados. Ondoko egunetan ere izanen dira manifestaldiak eta handiena orobat maiatzaren lehenean, hala emana dute erakustera.

Email Facebook Twitter LinkedIn

Egun eta bihar | 2023/04/20

Jende gutiago bainan

J-B D

Bezperan, joan den ortzegunean beraz, Frantzia guzian gaindi, berriz ere zernahi manifestaldi izana zen erretreta lege berriaren kontra. Orotara berrehunez goiti. Hamabigarren aldia hiru hilabete barne. Kasik denetan haatik, jendearen parte hartze xuhurrago batekin. Egia erran, hiri anitzetan eguraldia ere gisa hartakoa zen, biziki hitsa. Bestalde jende frangoren arrangura, ez sosik sobera galdu nahi greba eginez, jadanik ere badutela tira hala korda. Jende gutiago beraz bainan parte hartu duten frangok haserre handiagoa agertuz, ez dutela barkatu nahi ez eta barkatuko ere, sobera nardatuak daudela ikusiz gobernuak bere hura baizik ez ikusi nahi-eta!

Hiri zonbaitetan, Parisen bereziki, izan da zalaparta frango. Saltegi asko fundituak eta gaitzeko kalapitak, kolpatuak ere ba! Zonbait ehun lagun atxilotuak han-hemenka. Oro har azkenean, arras egun iluna.

...

Irakurri segida

Egun eta bihar | 2023/04/20

Jacques Gaillot

J-B D

Jacques%20Gaillot

Parisen pausatu da 87 urtetan Jacques Gaillot apezpikua, denbora batez biziki aipatua izana. Saint-Dizier hirian sortua, Haute-Marne departamenduan, arno saltzaile familia batean. Evreux hiriko apezpiku izendatua 1982an, kargu hortarik baztertua hamahiru urteren buruan, ohorezko apezpiku segituz halere bainan diozesarik egiazki ukan gabe bere gain, salbu Afrikako bat aspaldian desagertua dena. Eztabaida anitz ukanak Aita Sainduarekin ez beti ados izanez, Erromak onartzen ez zituen gauza asko aldarrikatuz, hala nola apezak ezkontzen ahal izaitea eta emaztekiak apez ordenatuak. Bera beti bere hartan tematsu bainan erakutsiz, edo erakutsi nahiz bederen, oro har ez zela batere alderdikaria. Oraino ere Jacques Gaillot aipatzen delarik, eztabaidak ez dira sekulan biziki urrun. Batzuk diotelarik eskatzen zituen aldaketa zonbait segurik goiz edo berant Elizak beharko dituela bere kondu hartu.Azpimarratuz beti agertu dela jende xehearen alde, handikeria soberakina alde bat...

Irakurri segida

Egun eta bihar | 2023/04/20

Burtxoragarri!

J-B D

Duela bi urte muntatua izan zen nazioarteko auto-egile etxe handi-handi bat, Stellantis deitu zutena, nolazpait elgarretaratuz Peugeot, Citroen, Fiat eta Chrysler! Joan den egunean jakin da Stellantis hori kudeatzen dutenek ikaragarriko irabaziak hunkitzen dituztela. Carlos Tavares burulehena urtean 23 milioi euroren altxatzeko heinean izanki! Xifre harrigarriak eta zinez burtxoragarriak! Holakorik ez litake haizu behar ere!

...

Irakurri segida

3686. zbk

Gure Hitza | 2023/04/20

Hizkuntzarik gabe Euskal Herririk ez!

Menane Oxandabaratz

Sortu girenetik, edozein izan bakoitzaren hizkuntza, musika soinu bat entzuten den bezala, gure beharrietan sartu da. Entzun dugun lehen soinu hori, gutarik batzuentzat euskara izan da. Hizkuntzaren erabilera sustraitua da pertsona bakoitzaren sortzean, kulturan eta izaeran. Komunikatzeko tresna baldin bada, beste hainbat funtzio betetzen ditu. Mintzatzen den lengoaiak komunitate batean identifikatzen gaitu, populazio multzo bat bateratzen du, kultura berekoak gira.

Larunbat huntan aldi bat gehiago Baionako karriketan ibiliko gira. Euskara sailean lan egiten duten elkarteek elkarretaratze deia zabaldua dute. Aldarrikatuko dena, gure mintzaira ezagutua eta garatua izan dadin, behar diren neurriak ezarriak izan daitezen. Diru-laguntzak beharrezkoak dira, sail horretan lan egiten dutenek baliabideak ukan ditzaten.

Azken inkesta soziolinguistikoak erakustera emaiten duen bezala, gure hizkuntza salbatua izan...

Irakurri segida

Gurekin harremanetan sar




segurtasun kodea

Herria Euskal Astekaria - Landagoien - 875, Landagoieneko errepidea - 64480 UZTARITZE [Lapurdi] | tel: 05 59 25 62 85 | herria.astekaria@gmail.com

Legezko oharrak | Diseinua eta programazioa: iF Diseinuak - 2016