Herriz Herri - Biarritz (L) | 2023ko Martxoaren 16a

Begirada Gurutzatuak edizioa - Akademiatik tartarika hitzaldi

Begirada%20Gurutzatuak%20edizioa%20-%20Akademiatik%20tartarika%20hitzaldi

Begirada Gurutzatuak edizioa

2012az geroztik, “Begirada Gurutzatuak” dantza sorkuntza garaikidea laguntzeko gertakaria da. Malandain Ballet Biarritz, Bilboko Fundazioak eta Portugaleko Kale de Vila Nova de Gaia konpainiak antolatu ekitaldia, Miarritzen iraganen da martxoaren 22tik 25era.

Ikusgarriak, martxoaren 23an (21:00), 24an (21:00) eta 25ean (19:30) Colisée gelan iraganen dira. Horrez gain, topaketak eta errepetizio publikoak eskainiak dira. Martxoaren 25eko eguna lurraldeko dantzari gazteeri eskainia zaie. Tailerren eta jendaurreko aurkezpenen inguruan elkartzeko eta elkar trukatzeko aukera izanen da.

Egitarau osoa malandainballet.comwebgunean aurki daiteke.

Akademiatik tartarika hitzaldi zikloa

Asier Amezaga Etxebarriak "Gabriel Aresti eta euskal kultura-esparrua (1953-1975)" liburua aurkeztuko du, martxoaren 23an (18:00), Mediatekan. Eusko Ikaskuntza eta Euskal Herriko Udako Unibertsitatea partaide dira.

Agur bat udaberriari

Janbattitt Dirassar

Eta bai, udaberrian sartzera goaz. Legez-lege astelehenean hasiko da alabainan, martxoak 20 eta iraunen du ekainaren 21a arte.

Askok berantetsia dukete orobat. Nahiz badiren negua ere biziki maite dutenak, besteak beste elur tokietara usu joaiten diren horiek, toki horietan dela egiazko paradisua! Edo berdin neguan direlakoz Eguberri eta Urtats, bi egun zinez arraroak! Familietan edo(ta) lagunekin handizki preziatzen direnak.

Dena den, egunak polliki luzatuak eta aitzina luzatzen ari, iguzkia gero eta azkarrago, kasu haatik martxokoari, buruko minak aise emaiten omen ditu- bazterrak egunetik egunera gehiago pizten ari, hori da hori udaberria! Pazko ekartzen duen sasoina! Agurtu dezagun beraz, agurtu ahal bezen kartsuki. Agurtuz ere agertzen hasiak diren loreak, gero eta gehiago agertuko ondoko astetan, dena kolore pollit beti bezala.

Udaberria gogoan, goazen zanpa-zanpa aitzina, ihauteria ere gibelean utzir...

Irakurri segida

Gurekin harremanetan sar