Bilkura publikoa

Herriko Etxeak bultzaturik, osagarri asurantza prezio interesgarrienean proposatzeko ortzaiztar guzieri, Axa asurantza konpainiak bilkura publikoa antolatzen du, Ortzaizeko Denen Etxea gelan, apirilaren 24an (16:00). Bilkura hori deneri idekia da eta xehetasun guziak ukanen dituzue.

Lakako lasterkaldia

Igande huntan iraganen da Lakako lasterkaldia, hiru urtez gelditurik egon ondoan. Beti maratoi erdi baten heina balin badu (21,5 km) eta 1.300 desnibel, Baigura kaskoan gaindi, gainbeherakoan bidea aldatua izan da eta gehienek zati berri hori gustukoa ukanen dute. 500 lasterkari bakarrik dira onartuak eta Interneten bidez zerrenda kasik betea da. Azken tokien hartzeko joan behar da coursedulaka.net gunera eta 20 euro gostako da. Abiatzea ezker pareta ondoan izanen da (9:00) eta helmuga toki berean. Sari banaketaren ondotik, 20 eurorentzat bazkaiteko parada bada. Lasterkaldiaren ondoan, ibilaldi bat bada, izen emaitea 6 eurotan eta abiatzea (8:00). Beren izen sariarekin Baigura gainean otordua eskainia izanen da.