Bañolet filma

Paxkal Irigoyen eta Maia Iribarne dira Bañolet filmaren egileak. Lehen bi emanaldiak Vauban zinegelan iraganen dira, martxoaren 17an, ostiralez (20:30) euskara hutsean eta martxoaren 18an (20:30) azpitituluarekin.

"Luixa eta bere lagunak, Bañoleten handitzen dira. Herri berezi huntako haurrek 11 urte betetzen dituztelarik, zeremonia garrantzitsua prestatzen dute. Haurtzarotik heldutasunera pasatzeko egun handia hurbiltzen ari da...".

Errana denez ondotik sorpresa bat izanen da… beraz ez hutsegin!

Bizitza berri bat Pirinioetako harri lehorrarentzat?

Donibane Garazin Pirinioetako Lan Elkartearen ekimenez 30 bat entitate elkartu dira. 2018an UNESCOren ondare gisa ezagutua, harri lehorreko eraikuntza teknikak sektorea indartu dezake, lanpostuak sortu, ingurumenaren alde ere eragin dezake.

Batzuetan arbasoen tekniketara itzultzea bateragarria izan daiteke, gaur-egun aurre egin behar ditugun ingurumen erronkekin. Horixe da harri lehorreko eraikuntza teknikaren kasua, ez hain aspaldi Pirinioetan abiatua dena. Pirinioetako Lan Elkarteak gaia aztertu du, harri lehorra den kultura ondare hori berriz baloratzeko helburuarekin. Baina sortzen den arazoa da eraikin hauek abandonatuak direla, gehienetan arbasoek zuten jakitatea galdu delako.