Apirilaren 22an, Cristina Laborda Irungo auzapezak, Jean-François Irigoyen Euskal Elkargoko Mugikortasun sindikatuko lehendakariak, Joseba Erremundeguy Europa eta mugaz gaindiko lankidetza kontseilari ordezkariak eta Kotte Ecenarro Hendaiako auzapezak, mugaz gaindiko 15 autobus ibilbidearen abiatze arrakastatsua goretsi dute. Aurtengo urtarrilaren 6an, TXIK TXAK sarearen berritzearekin, mugaz gaindiko 31 ibilbide ohia, 15 ibilbidea bilakatu da, %77 bidaiari gehiago zenbatu dira.

Azpimarratzekoa den aitzin-pausoa

Cristina Laborda Irungo auzapezak azpimarratu du arrakasta horrek aitzin-pauso handia dakarrela garraio zerbitzu eraginkorrago eta hobeki konektatua eskainiz Bidasoaren bi aldeetan. Iparraldeko auzoekin harremanak azkartzeko politiketan beti lekua izanen dela adierazi du.

Jean-François Irigoyenek berriz, mugaz-gaindi garraio sarea plantan emateko egin lan guziaren erakusle dela oroitarazi du.

Joseba Erremundeguykgoretsi nahi ukan du Txingudiko badiaren inguruko garraio beharrei erantzuteko Irungo Herriko Etxearekin izan den elkarlana.

Autobus gehiago eta maizago

15 ibilbideak “HENDAIA EHPAD” eta “IRUN San Juan Plaza” guneak lotzen ditu astelehenetik larunbatera ordu erdiro (7:00-20:30) eta igandez orduro (8:00-20:00). Ekainetik irailera, azken autobusa 22:30etan izanen da. Ibilbidea sinplifikatua izan da, garraio iraupena hobetzeko. Horrez gain, “HENDAIA Orangers” eta “IRUN Behobia” lotzen zituen lehengo 33 ibilbidea bikoiztua izan da, 15 eta 14 ibilbidea bilakatuz. Hori dela eta, Hendaiako bi tren geltokietako korrespondentzia aukerak biderkatuko ditu, etxea-lana eta etxea-eskola bidaientzat.

Mugaz-gaindiko garraio sarea

TXIK TXAK mugaz gaindiko garraio sare publikoaren garapenaren eragile da, autobus loturak hobetzen baititu.

Hendaiako geltokiaren heinean Elgarrekin Modu-anitzeko aldaguneaegokitu zen eta 2022an estreinatu Euskal Elkargoko lehendakariaren eta Eusko Jaurlaritzako lehendakariarekin. Era berean,europar funtsen babesarekin besteak beste, Ederbidea bizikleta-bideakplantan eman dira. Bide beretik, autobus ibilbide hauek Baionatik pasaz, Akize eta Donostia lotzen dituen euskal-landes eskualdeko tren-espres sarearen ezarpen logikan parte hartzen dute.