Herriz Herri - Aldude (NB) | 2025eko Uztailaren 17a

Esnausuko bestak

Asteburu huntan Esnausuko bestak beharrak ditugu. Ebiakoitz arratsean (20:00) lekuko gazteek burger gaualdia proposatzen daukute DJ Cric Cric alaiturik.Igande goizean (10:30), Esnausuko kaperan, meza klikarekin iraganen da. Duela kasik 9 hilabete hetsirik egon ondoan, kaperak bere ateak zabalduko ditu. Alabainan minberatua zagon erretaulak, Amikuze aldean berrantolatze eta freskaldi ona ukanik, bere lekua berriz aurkitu du. Igande arratsaldean (18:00) beti Esnausuko kaperan, kantaldi baten entzuteko parada izanen da. Aurtengo gomita, auzo ibarreko kantari taldea "Kanta Hergarai" da. Hutsegin behar ez den hitzordua. Ondotik, bestak ongi bukatzeko, taloak izanen dira.

Email Buffer Facebook Google Twitter Pinterest LinkedIn Digg StumbleUpon Tumblr

3795. zbk

Gure Hitza | 2025/07/17

Ainara eta zezena

Peio Jorajuria

Udan besta giro da. Deskantsatzeko eta bihotzak goxatzeko. Ez dugu haatik zangorik eman Iruñeko bestetan, ez eta Baionakoetan. Jende eta burrunba gehiegi. Badakit alta besta horietan bizi daitezkeela memento bikainak. Baina nahiago dugu mendi guneetako lasaitasuna.

Hain zuzen, azken aste hauetan, grazia berezi batez bete zaizkigu Baigurako inguruak. Udako lehen egunean berean, Ortzaizeko ikastolak zituen bere berrogei urteak alegeraki ospatu. Gogoan ditugu ikastola horren lehen urratsak, haize kontra eramanak. Eta bereziki, ikastolak nehongo laguntza ofizialik ez baitzuen erdiesten, nola burasoak berak lotu ziren lanari, beren eskutik buruan buru ikastetxe bikain baten altxatzeari, beren haurrek eta ondokoek ukan dezaten aterpe duina. “Jende ausarta edo eroa” izan behar zen, dio Mizel Mateo bidarraitarraren bertsoak.

Irakurri segida


Gurekin harremanetan sar




segurtasun kodea

Herria Euskal Astekaria - Landagoien - 875, Landagoieneko errepidea - 64480 UZTARITZE [Lapurdi] | tel: 05 59 25 62 85 | herria.astekaria@gmail.com

Legezko oharrak | Diseinua eta programazioa: iF Diseinuak - 2016