Itzalaldi masiboak lehen lerrora berriz ekarri du energiaren inguruko eztabaida. Oraindik ez da argitu iberiar penintsula osoan zerk eragin zuen argindarraren etena, hainbat iritzi ari dira zabaltzen. Ignacio Sanchez Galan Iberdrolaren presidentea eta Josu Jon Imaz Repsolen kontseilari idazkaria mintzatu dira. Galanek berretsi du zentral nuklearrak direla argindar sistemaren egonkortasuna bermatzeko konponbide merkeena. Bere hitzetan, Espainiako estatuan dauden zentral nuklearrak seguruak eta eraginkorrak dira. Imaz energia berriztagarrien alde agertu da eta segurtatu du legedia edozein izanik ere, oraingoa edo etorkizunekoa izan, berriztagarriek toki nabarmena ukanen dutela energiaren ekoizpenean. Itzalaldiari buruz zuhur agertu da eta azaldu du ez duela gertatutakoaz hitz eginen martxan den ikerketaren emaitzak ukan arte.

Leandro Azkue, Eusko Jaurlaritzako Arrantza sailburuordea Getarian izan da “Antxoaren Egunaren” XII. aldiaren aurkezpenean. Antxoaren eta berdelaren (makarela) arrantzaldia hasi eta bi hilabetera, Eusko Jaurlaritzak balantzea egin du. Azken urteetan ohikoa den moduan bilana gazi-gozoa da, hala ere antxoarena ongi doa, aldiz kaskar berdelarena. Jaurlaritza anitz kezkatua agertu da, azken urteetan berdela agertzen ez delako, dela prezio apalegia duelako, bai eta amuarekin aritzen diren ontziak ezin harrapatuz dabiltzalako.

Jaurlaritzak bi datu handi eman ditu, dagoeneko berdelaren kuotaren %73a arrantzatu da eta antxoaren %30a. Kopuru horiek arrantza sailburuordeari bi balorazio nagusi egiteko aukera eman diote, zioen berdelaren arrantzaldia txarra dela, aldiz antxoarentzat baikorrago agertu da.

Berdel arrainari dagokionez, batez ere amuarekin arrantzatzen dutenek dute arazoa. Itsasontzi ttipiak izan ohi dira, Bizkaian daude gehienak, berdela izaten da haien urteko ha...

Azken ikerketaren arabera, 30 urteren inguruan dago Hegoaldean gurasoengandik burujabetza lortzeko bataz besteko adina, azken hamarkadan igan da. 18 eta 34 urte arteko gazteen %30a gurasoen etxetik kanpo bizi da, Europako batez bestekoa baino %20 gutiago. Azkenik egin inkesta guziek argi uzten dute Euskal Herriko gazteen arazo nagusietako bat etxebizitza dela. Gero eta zailagoa da gurasoen etxetik joatea. Hots, burujabetza eskuratzeko batez besteko adina EAE erkidegoan 30 urteren inguruan da eta 29 urte Nafarroan, Europako batez besteko adina baino hiruzpalau urte gehiago (26 urte).

Ikerketaren beste ondorioetako bat da, gazteenen enplegu eta emantzipazio-tasaren artean den lotura jakiten dela. Alegia, 16 eta 24 urte arteko gazteen okupazio-tasa goragoa den heinean, gurasoen etxetik ateratzen diren gazteen ehunekoa ere igan da. Eskandinaviako herrialdeetan, hegoaldean baino ohikoagoa izaten da gaztetatik ikasketak eta lana uztartzea, horrek i...

Etxebizitza eta soldatak: gaur gaurkoz, diru-sarrerak dituzten 59.000 gazte inguru daude burujabetza eskuratzeko etxebizitza baten beharrean. Gazte horiek aipatzen dituzten oztopo nagusiak etxebizitzaren prezioa (erosteko ala alokatzeko) eta diru-sarrera nahikorik ez ukaitea dira. Erantzunen artean daude, etxebizitza-eskaintzaren eskasia lehentasunezko lekuan, lan-egonkortasun eza, mailegu-kreditu bat eskuratzeko zailtasuna eta higiezinen agentziek edo jabeek gazteei alokatzeko dituzten trabak.

Asteko lanaldia 40 orenetarik 37,5 ordura murrizteko lege proiektua Ministroen Kontseiluan onartu da. Ondoren, lege testua Diputatuen Kongresura igorria izan da eta eztabaidak hasiko dira. Ohi bezala, koalizio gobernuak gogor lan egin beharko du babesak eskuratzeko, PP eta Junts kontra agertuko baitira. Halaber, lege-proposamenak ez du patronalaren babesik eskuratuko. Pasa den abenduan, Yolanda Diaz ministroa buru den lan ministerioak CCOO eta UGT sindikatuekin adostu zuen soldata jaitsi gabe lanaldia astean 37,5 ordura murriztea. Patronala akordiotik kanpo gelditu zen, lanaldi murrizketa negoziazio kolektiboaren bidez egin behar dela iritzita.

Neikerrek abiatu du belarki funtsetan azpiegitura agro-voltaikoak ezartzeko proiektua, Espainiako estatuko handiena izanen da. Neker-ek Arkautin inaugurazio ekitaldia antolatu du. Lur azalera bera erabiliko da laborantzarako eta eguzki-energia panelen bidez elektrizitatea lortzeko. Guzira, 212 modulu fotovoltaiko instalatu dira, 8.000 metro koadrotan banatuta. Gaurdanik, Araban instalazio agro-voltaiko esperimental berritzailea martxan da. Besteak beste, aztertzeko posible ote den lursail batean eguzki-energiaren bitartez elektrizitatea sortzea eta laborantza etxaldea izatea esperimentatuko da.

Gipuzkoako Aldundiak larreen irekitze ofiziala egin du Berastegiko Gorosmendi gainean. Gipuzkoako 32 menditan zehar banatutako, 10.455 hektarea inguru osatzen duten larreetara iganen dituzte 544 abeltzainek beren abereak.