BBVA Fundazioak argitaratu ikerketa baten arabera, gazteak lan-merkatuan berant sartzeak erretreta hartzeko epean eragina ukanen du. 2027an erretiratzeko bataz besteko adina 67 urtekoa izanen da, erretreta osorik eskuratzeko 37 urtez kotizatu beharko da. Lan-merkatuan berant sartu diren gazteek, duten bizi-maila edo antzekoa atxiki nahi badute, 71 urte bete arte lan egin beharko dute.

Txostenak agertzen duenez, 16/29 urte bitarteko gazteen enplegu kopurua %43,2koa da, 2007an baino 15 puntu gutiago. Horrek erran nahi du horietako anitzek 2065ean 30 urte soilik kotizatuak ukanen dituztela, urte kopuru hori ez da nahikoa erretreta osoa eskuratzeko. Urte tarte horren eraginez, legean ezarritako koefizienteak direla eta, pentsioak anitzez murriztuko zaizkie.

Erretreten azken erreformetan oinarrituz ordainsaria egungo %77,1etik %75,3ra jaitsiko da. Erreformarik egiten ez bada ere, egungo gazteek gehiago kotizatu beharko dute eta pentsio apalagoak onartu, lan-ibilbidea...

Eusko Jaurlaritzak 144 milioi euroko bermea onartu du 18/39 urte bitartekoei lehen etxebizitza erosten laguntzeko. Zehazki, finantza erakundeek edota bankuek normalean ordaintzen ez duten etxebizitzaren kostuaren %20a Jaurlaritzak diruztatuko du. Horren helburua da 2029ra arte 3.000 etxebizitza osatzea. Galdeak udazkenetik aitzina egiten ahalko dira, Eusko Jaurlaritza finantza erakundeekin oraindik negoziatzen ari da.

Laguntza ukateko, galdea egiten dutenek hainbat baldintza bete beharko dituzte: 18/39 urte ukan eta gutienez azken bi urte hauetan Euskadin bizi izan. Galdea egiten dutenek, bakarrik bizi direnean urtean 50.400 euro eskura lezakete eta bi izanez gero 86.400 euro.

Presidenteen Biltzarrean Eusko Jaurlaritzako ordezkariak kexu agertu dira. Imanol Pradales lehendakariak espainiar estatuko erkidegoetako presidente batzuk, horietan Isabel Diaz Ayuso Madrilgo presidenteak, ukan duten jarrera gaitzetsi du. Madrilgo presidentea Imanol Pradales euskaraz hitz egiten hasi orduko gelatik atera da. Lehendakaritzak iharduki du: “onartezina da euskara eta lehendakariarekiko eta Euskal Herriarekiko erakutsi errespetu falta”.

Horrez gain, Jaurlaritzak salatu du, beste autonomia erkidego ordezkari batzuk itzulpenak egiteko dispositiboak ez erabiltzea. Bere erranetan, jarrera hori Presidenteen Biltzarraren espirituaren kontrakoa da, lehen aldiz hizkuntza koofizialak (katalana, galegoa eta euskara) gaztelaniarekin batera erabiltzeko aukera ematen baitu. Gaineratu du: “Hizkuntza ofizialak errespetatzea ez da garrantzirik gabeko keinua, hizkuntza berdintasuneko eskubideekin eta oinarrizko errespetu instituzional, kultural eta demokratikoarekin lotuta...

Ministroen Kontseiluak, bi urte eta erdi geroago amiantoaren biktimei konpentsazio diru-laguntzak onartu ditu.

2022ko urrian, Amiantoaren Biktimentzako Konpentsazio Funtsa sortzeko legea onartu zen eta araubide hori plantan jartzeko hiru hilabeteko epea eman zen. Espainiar gobernuko Pilar Alegria bozeramaileak azaldu duenez prozedura onartua izan da. Biriketako minbiziaren erantzule den eragile kantzerigeno horren biktimek, kalte-ordain ekonomikoak eskuratuko dituzte. Araua argitaratu eta hiru hilabetera indarrean sartuko da, ordainketa 32.000 eta 96.000 euro artekoa izanen da.

“Sanferminak 78, gogoan” elkarteak eta Iruñeko Peñen Federazioak, urtero bezala, Orreaga etorbideko hilarrian oroimen eta aldarrikapen ekitaldia antolatu dute. Omenaldiak German Rodriguezen memoria bizirik atxikitzea helburu du. 1978ko uztailaren 8an, San Ferminetan, polizia zezenplazara sartu zen eta publikoa tirokatu zuen. Orreagako karrikan, German Rodriguez buruan tiro batez hil zuten. Urte guziz Iruñeako bestetan, uztailaren 8an, omenaldia egiten zaio, partehartzaileetan Rozalén, Fermin Balentzia eta Erramun Martikorena kantariak presente ziren.

Uztailaren 9a, Gazteen Nazioarteko Eguna, Eusko Jaurlaritzak gazteen pertzepzioak jasotzen dituen txostena egun horretan aurkeztu du. Ikerketaren arabera, euskal gazteek beren egoera pertsonalari buruz iritziak badituzte. Lanari dagokionez, gazteek gehien atsegin dutena, beren lanak sortzen dien interesa da (%46), horren ondotik enpleguaren egonkortasuna agertzen da (%39), lanaren sozial probetxua (%37) eta ordutegia (%34). Hala ere, lana duten gazteen %22k bakarrik adierazi du soldatarekin gustura direla. 30 urtetik gorakoen artean berriz, datu hori %15etik gorakoa da. Halaber, txostenak adierazten du lanpostuen egonkortasunari eta ordainketari dagokienez gizon gazteak emazteak baino hobeki ordainduak direla. Nerea Melgosa, Eusko Jaurlaritzako Ongizate, Gazteria eta Erronka Demografikoko sailburuak azaldu du garrantzitsua dela gazteek beren soldatak hobeki ikustea, Euskadiri eragiten dioten arazo nagusiei dagokienez, euskal gazteek lan-merkatua (%37) eta etxebizitza (%36)...

UEMAk (Udalerri Euskaldunen Mankomunitatea) galdeginik, 2036an Hego Euskal Herrian euskararen egoera zein izanen den Siadeco ikerketa agentziak aztertu du. Emaitzek euskara hizkuntza-larrialdi egoeran dela erakusten dute. Siadecok euskararen galtzearen hasiera baieztatu du. Hego Euskal Herriko 2036rako proiekzio demolinguistikoa aztertu du. Unai Oiartzun Siadecoko ikerlariak argitu bezala, emaitzak ez dira 2036rako iragarpena, baizik eta hipotesi batzuk beteko balira. Ondorio nagusiak kezkagarriak dira, eremu euskalduna ahulduko da, kasik arnas gunerik gabe gelditzeraino, etxeko erabileraren, lehen hizkuntzaren eta eremuen bilakaeran argi erakusten dute. Halaber, haurren eta gazteen artean atzerapauso argia agertzen da. Horrek azken hamarraldietako lorpen handienetakoa kolokan jartzen du, belaunaldi berrietan gibelatzea baieztatzen bada,...