Eskubaloia

Nazional 2 mailan, irisartarrek galdu dute Atharratzen, 19-23.

Hemezortzi urtez petikoetan, bigarren taldeak irabazi du departamenduko final-laurdenetan, Gan-eren kontra, 23-12.

Neska helduetan, Kanbo/Irisarriko bigarren taldeak irabazi du Barzun-en kontra, 42-34.

Heldu den aste hondarreko partidak

Gizon helduetan, pre-nazional mailan, bigarren taldeak errezebituko du Oloron larunbatean (19:00).

Erregional mailan, hamazazpi urtez petikoak joanen dira Biard-era larunbatean (17:00).

Neska helduetan, nazional 3 mailan Kanbo/Irisarrik errezebituko du Union Béarnaise larunbatean (21:00).

Erregional mailan, hemezortzi urtez petikoak joanen dira Bègles-era igandean (16:00).

Pilota

Dakizuen bezala, Zuraideko Chilhar trinketean bukatu zen Frantziako buruz-burukako xapelgoa. Irisartarrak pilota elkarteko Julien Etchegarayk galdu zuela lehen mailako finala 35-40 Betti Gurruchagaren parean. Partida arras ederra eskaini zaukuten eta oren bat eta hogei minutuz, pilotazaleak ez ziren enoatu. Orain, trinketetik landa, huna plazako xapelgoa abiatzen dela. Hemen pilota elkarteak 10 pare engaiatu ditu, xitoetatik 2. mailaraino. Trinketean eta nesken palantxako txapelketaren kondu, hor ere beste 10 talde lehiatuko dira bai Union Basquen eta bai Frantziakoan.Bide on deneri!

Azkenik, joan den igandean, Baionako Moderne/Jean-Marie Mailharro trinketean, Mathieu Ospital eta Peio Guichandutek galdu zuten 38-40 Iker Espinal-Luis Sanchez-en parean. Hor ere partida luze eta bortitza izan zen, bainan esperantzaz beterikoa Peiorentzat!