Etchecoparreko ikasle elebidunen ikasturteko ateraldia

Etchecoparreko sail elebiduneko ikasleen ateraldi pedagogikoa iragan zen Lapurdiko itsasbazterrean joan den urriaren 8an.

Goizean, gazteek deskubritu zuten Donibane Lohizuneko badia ederra, gaitzeko eguraldia lagun. Taldeka eta aldizka, monitoreak segituz kayak eta piragua untzietan instalaturik, badian ibili ziren bi orenez arras pozik.

Ondotik piknikatu zuten Miarritzen. Arratsaldean, itsas museko bisita gidatua segitu zuten gida aditu batek gidaturik. Izan ere, erakustokiak barnean dituen arrain mota desberdinei buruzko iruzkin interesgarriak komentatu zituen, eta ikasleen galderei erantzun pazientzia handiz.

Atsaskari batek bururatu zuen ateraldia. Ondotik, Donapaleuruntz berriz abiatu ziren, oroitzapen goxoz beterik.

IPARRA-HEGOA

1-Zer dela eta hasi zineten euskara ikasten?

2-Euskara ikasteak zer ekarri dizu?

3-Nola hartu duzue Iparra-Hegoaren gonbidapena?

1-2) Pantxika naiz, Baionakoa. Duela bost urte euskara ikasten hasi nintzen AEK-rekin, Hazparneko udako ikastaldia eta gero, Baionako gau eskolan.

Nire lehen hizkuntza euskara izan zen baina zoritxarrez, 2 urte nituelarik, nire gurasoek gure familian euskaraz mintzeari utzi zioten. Betidanik, banekien euskarara itzuliko nintzela eta pentsatzen nuen erretretan egitea. Hala ere, erretreta aitzin hasi nintzen eskola elebidunetan lanagatik, beste motibazio iturria zen ere. Nire amak alzheimer eritasunaz sufritu zuen. Hasi zen duela bost urte eta ni, noski, memoriaren eritasun...