Heriotze

Marikita Gaillard (sortzez Curutcharry) 83 urtetan zendu da. Biziaren parte handi bat Parise aldean iraganik, erretreta Baigorri sorterrian ereman du goxoki, eritasunak harrapatu arte. Drama izigarri batek jo zuen ere duela zonbait urte, Maylis alaba galdu zuelarik. Marikita artista zen, margo biziki pollit eta finak egiten zituen, "Ortzadarra" margolari elkartearen eremaile kartsuenetarik bat izanez.

Gure dolumin bizienak Jacques senarrari, Xavier semeari, Jean, Peio, Kattalin anai-arreberi eta familia guziari.

Iturritik

Heldu den igandean (azaroaren 2a), Iturritik elkarteakzikin bilketa antolatuko du Errobi erreka bazterretan. Hitzordua Aldudeko plazan (10:00). Aro txarra balitz, ondoko igandera gibelatua litzateke.

Herriarena

Zaharrer Segi elkarteak antolatzen duen "Herriarena" pilota xapelgoko bi finalak joan den igandean jokatu dira gure trinketean. Emaitzak:

- Nesken pala lehiaketako finala: Arrosagaray-Housset 40/Oçafrain-Marisco 25.

– Esku-huskako finala: Etcheverry-Iphar 40/Ospital-Luro 37.