Sortze

Sortze batez herriko berrien hasteak plazer egiten du. Jorteian Frederic eta Elodie Mongabure familiak ongietorria egin dio bigarren haurrari, neskatoaren ondotik mutikoa. Aitamen lorian parte hartuz bizi zoriontsu luzea Noe ttipiari.

Omiasaindu

Ibiakoitzean ditugu egun hortako mezak (9:00) Armendaritzen eta (10:30) Mehainen. Igandean 2an, Iholdin (9:00) eta Heletan (10:30).

Azaroaren 11n

Jada aipamen laburra izana da emanik meza bost herriendako: Mehaine, Iholdi, Landibarre, Irisarri eta Heleta, emana izanen da gure herrian (10:30), hor izanen dugu usaian bezala Iholdiko klika bazterren harrotzeko baina ere parte hartzeko bai mezan, bai oroitarriaren inguruan, soinuz laguntzeko horko otoitz eta kantuak. Herritarrak bereziki gomit dira egun hortan, jada erran bezala bi izen berri gehiago ezarriak izanen dira oroitarrian zizelkaturik. Jada 37 herriko semeren izenen segidan, gehiago dena baten familiako iloba ttipia agertu zaigu, plazer hartu omen du eta guk ere bai. Plazer hori nahi ginuke partekatua izan dadin herritar anitzek parte hartuz, bereziki gazteek, eder daiteke oroitzen balire haien adinean partitu zirela gerlan bizia galdu zuten horiek oro. Ondorioz baitago egun momentuan segurik libertatea, ibiltzeko, erraiteko, anitz erresumetan gaur egun oraino falta direnak, zor diegu.

Ondoko bazkariarentzat izenak eman herri bakotxeko arduraduneri lehenbailehen.