Herriz Herri - Izturitze (NB) | 2025eko Urriaren 30a

Izturitze rando - Omiasaindu - Kabalkadaz hitzaldia

Izturitze rando

Erberua elkarteak urte guziz antolatzen duen kirol gertakaria joan den igandean iragan zen. Aurtengoak aroa ez zuen alde, bazterrak uretan baitziren eta bideak lerrakor bilakatuak. Halere220 bat ibiltarik (90 VTT) parte hartu zuten ateriarekin. Makurrik gabe, dena untsa joanik antolatzaileak kontent agertu dira.

Omiasaindu

Eguneko elizkizuna (10:30) izanen da Izturitzeko elizan.

Eliza atean, Aiherrako eskola giristinoko burasoek egin bixkotxak erosten ahalko dira; sustengua ekartzeagatik erosle guziak eskertzen dituzte aitzinetik.

Kabalkadaz hitzaldia

Hilabeteko merkatuaren ondotik azaroaren 7an Artetxean (19:30)Peio Berterretche makearra kabalkadaz mintzatuko da.

Edaten dugun ura

Louvreko museotik airatu dira Frantziako koroako joia famatu batzuk, milaka safiro eta diamante distiratsuz osatuak. Mundu zabalean ikaragarriko oihartzuna sustatu duen ebasketa. “Ezin estimatuzko galtzea” Frantziako “ondare paregabearentzat”, gainera “munduko museo handienean” gertatua. Afruntu bikoitza! Baina ene gustuko bada joia horiek baino altxor askoz garrantzitsuagorik. Hala nola ura, edateko ura, xahutzen eta kutsatzen ari dugun ura. Joiarik gabe bizi gintezke, urik gabe ez. Urak Lur planetaren %71 nonbait han estaltzen du, baina ur kantitate horretatik %2,5 inguru baizik ez da edangarri. Menane Oxandabaratzek, mundu zabaleko kronikan, artikulu ohargarria argitaratu zuen joan den uztailean gai hortaz, berriz irakurtzea merezi lukeena (3797. zenbakia, 2025/07/31).

Ur edangarria ez da betirako izanen, ez badugu kasurik egiten, salbu...

Irakurri segida

Gurekin harremanetan sar