Martxoaren 10ean Gasteizen iragan den Euroeskualdearen biltzar nagusian. Nafarroako gobernuaren eta Euskal Autonomia Erkidegoaren arteko presidentetzaren aldaketa iragan da. 2024tik instituzio horretan Nafarroak zuen lehendakaritza postua, baina oraindik goiti eta 2028a arte, Imanol Pradales Eusko Jaurlaritzako lehendakariak du segida hartu. María Chivite Nafarroako Gobernuko presidenteakmakila eskaini dio sinbolikoki.

Horrez gain, besteak beste 2026rako aurrekontu berria onartua izan da.

2025eko bilana

Euroeskualdeak 2025ean gero eta eginkizun handiagoa betetzen duela frogatu du, Akitania Berria-Euskadi-Nafarroa lurraldearen kohesioa eta garapen ekonomikoa indartzen dituzten mugaz gaindiko proiektuen sustatzaile gisa.

Hain zuzen ere,Euroeskualdeko hiritartasunaridagokionez, Euroeskualdeak19 proiektubabestu ditu, kulturan, hezkuntzan, kirolan eta elkartasun arlokoan.

Aldi berean,Euroeskualdeko berrikuntza-proiektuen deialdiari esker,zazpi lankidetza estrategikoegin dira funtsezko sektoreetan.

Bestalde, 70 ikasle eta doktoregaikEuroeskualdeko Beka eskuratu dute, ezagutzen zirkulazioa sustatzeko, nazioarteko hurbileko mugikortasunaren logikaren baitan.

Europa mailan, urtea markatu zuen POCTEFA programaren bidez AFOMEFek finantzaturiko eta Euroeskualdeak zuzenean koordinaturiko proiektu estrategikoen bultzadak: “Lanean” mugaz gaindiko enplegua sustatzeko, “Transfermugi” mugikortasun jasangarria indartzeko eta “Hezhi” eleaniztasuna garatzeko.

2026ko aurrekontu esparru berria

2026ko mugaz gaindiko ekimenak finantzatzeko Euroeskualdeak 900.000 euro bideratuko ditu, bi ildo nagusietan egituraturik. Lehenik, Euroeskualdeko herritarrei zuzenduko da, 500.000 euro bideratuz kultura, gazteria, hezkuntza, eleaniztasuna, kirola eta egungo jendarte erronka arloetan lankidetzako eragileek bultzaturiko ekintzetan. Bigarren ildoa Euroeskualdearen berrikuntza sustatzera bideratua da, eta 400.000 euro aurreikusten ditu funtsezko sektore ekonomikoetan – osasuna, fabrikazio aitzinatua, laborantza, energia berriztagarriak, eraikuntza jasangarria eta sormen eta kultura industriak – proiektu egituratzaileak babesteko. Helburua Euroeskualdeko espazioaren garapen berritzailea, lehiakorra eta jasangarria azkartzea da.

Bestalde, Akitania Berria-Euskadi-Nafarroa Euroeskualdeak mugaz gaindiko merkataritza, eta ikus-entzunezkoen edota osasungintzako sektoreetako ekimenak bultatzen segituko du.