2.000 gazte bildurik herriko plazan

Bazela mugimendu joan den larunbat arratsean, herriko plazan eta herri barnean!

Azken urteetako ohidurari jarraikiz,Aiherrako gazteekgaualdi bereziaren antolatzeko usaia dute primadera hastapenean. “Freedom For Aiherra” izena hartua duen festibal edo gaualdiaren 13. edizioa zen joan den larunbatekoa, eta aurten ere gaitzekogazteria bildu da herriko plazako karpa handiaren azpian. Erran behar da giro bikaina eman duten talde ezagunak gomitatuak zituztela (Dizkobolo, Xiberoots, The Locos (SKA-Pko ohiak) eta DJ Doy) eta aro zinez ederrarekin antolatzaileak lagunduak izan direla.

Biba gazteak holako gaualdia antolaturik eta kausiturik. Gaualdi arrakastatsu hunen ondotik, orain herriko besten aldi, hauek ekainaren 11tik 15era iraganen dira. Bai, konprenitua duzuen bezala, aurten 5 egun iraunen dute. Xehetasunak geroxago. Anartean, aupa gazteak!

Eskola libroaren gaualdi berezia, apirilaren 18an

Gure herriko eskola libroko burasoen elkarteak jakinarazten du gaualdi berezia antolatuko duela Aiherrako Elizan, apirilaren 18an, larunbatarekin. Urte guziz antolatzen duten mus zoingehiagoka eta oinezko ibilaldi gormanteri, aurten musika eta gastronomia uztartzen dituen animazio berria gehitzen diote. Aiherrako Elizan iraganen da (19:30).

Lehen partean, kantaldia proposatzen dute, Ahots taldearekin. Hau 30 bat emaztek osatu abesbatza da. Soinubila elkarteko kide den kantari taldean parte hartzen dute Hazparne eta herri inguruetako kalitate handiko abeslariek. Entzutea balio dute! Sartzea prezio librean izanen da.

Aldi berean, burasoek prestatu etxera eramaiteko paella erosten ahalko da (19:30). Zati bakoitzaren prezioa 12 eurotan finkatua da, haatik hobe aitzinetik erreserbatzea 06-68-56-69-33ra deituz.

Antolatzaileek jakinarazten dute gaualdiko diru-sartzeak urtean zehar ikastetxeak antolatzen dituen jarduera eta proiektuak laguntzeko baliatuak izanen direla. Ongi etorri deneri!

Ondoko hitzorduak

Apirila 23a: Goiti Aire elkartearen ateraldia, Eauze Gers-eko herrira. Izenen emaiteko permanentzia apirilaren 11n (10:00), hirugarren elkartekoen gelan, plaza gibelean.

Maiatzaren 1ean: oinezko ibilaldia Aiherran, Izturitze-Aiherrako eskola publikoak antolaturik.

Ekainaren 11tik 15era, Aiherrako bestak, herriko plazan.