Biltxokoko larunbatak

Apirilaren 11n (12:00), Maialen Alfaro eta Bixente Junca kantuz ariko dira Biltxokon.

Udaberri gaua

Apirilaren 11n (20:00), udaberri gaua ospatuko da Zizpa gaztetxean, Mezklaa, Indigo eta Mugan taldeen parte hartzearekin.

Euskal Museoaren hitzorduak

Apirilaren 11n (11:00), 2-4 urtekoentzat “Kepa tilolaria” animazioa antolatuko da, Baionako lehengo portua eta ontziak ezagutzeko. Euskaraz izanen da, 4 euroren truke.

Biharamunean (15:00), Euskal Museoaren bilduma iraunkorraren bisita gidatua iraganen da, euskaraz. Ordu bat eta laurdeneko iraupena, sartzeaz gain 4 euro ordaindu beharko dira bisita gidatuarentzat.

Apirilaren 15ean (14:00), “Lamina nun zira?” 7 urtetik gorakoendako animazioa antolatua da, laminak ezagutzeko. 6 eurotan.

Apirilaren 16an mintzaldiaren aldi (18:00). Xarles Videgain “Nola erran? Euskararen Herri Hizkeren Atlasa”gaiaren inguruan ariko da. Urririk.

Koru kontzertua

Gospel denbora korua San Andres elizan ariko da apirilaren 12an (17:00). Sartzea librea izanen da.

Euskara ikastaldia

Apirilaren 13tik 17ra (9:00-13:00/14:00-17:00), 35 oreneko ikastaldia antolatua da maila guzientzat. 175 euro kostako du. Artikulua idaztean tokia ez zen zehaztua.

“Lautan hiru” antzerki gaualdia

Apirilaren 17an (19:00) iraganen da Biltxokon. “Zaku berekoak” (Xabin Fernandez - Gehibat konpainia) eta “Hautagaia” (Pantzo Hirigarai, Mizel Sarratia, Beñat Bidegain, Peio Larre, Armand Jaunarena eta Anje Duhalde) antzerkiak emanen dira.

Lehen antzerkian gizon batek bere familiarekin ospatu nahi du urtebetetzea. Baina zer gertatzen da inork erantzuten ez duenean? Oroimenaren eta eromenaren artean igeriandabilen arima baten istorioa da.

Bigarren antzerkia berriz, hauteskundeen atarian, hautagaia estrategia prestatzen dabil. Nola jokatu? Zuzen? Maltzur? Zer egin jendearen bozak eskuratzeko?

Bi sorkuntza horiek, Euskaltzaindiak antolatu Lautan Hiru antzerki festibalaren zortzigarren adizioaren kari aurkezten dira.