Herriz Herri - Itsasu (L) | 2026ko Apirilaren 23a

Odol emaitea - Atharriko lehiaketa pilotan

Odol emaitea

Odola emaiten ahalko da bi arratsaldez, apirilaren 27an eta 28an, Sanoki gelan (15:30-19:00). Hitzordua hartu behar da: dondesang.efs.sante.fr.

Atharriko lehiaketa pilotan

Urtero bezala, Itsasuarrak elkarteak pilota lehiaketa antolatzen du Atharri ezkerparetan joko berrin. Finalerdiak jokatuko dira apirilaren 30ean, ostegun arratsez (19:00 eta 20:00). Finala maiatzaren 3an, igandez (11:00), eta ondotik aperitifa eta bazkaria, animaturik. Aitzin-partida ere izanen da goizean (10:00) herriko gazteekin.

Azkenean ikasi ditugu pilotarien izenak: aitzinetik ariko dira Mathieu Ospital, Betti Gurruchaga, Pierre Etcheverry eta Eñaut Echeverria, eta gibeletik ariko dira Iñaki Etchegoin, Battitt Ducassou, Jon Saint-Paul eta Ellande Orhategaray.

Tokian berean ikusiko dugu nola parekatuak izanen diren.

Herriak kontuak gorrian

Peio Jorajuria

Bidarrain egin berri du Herria astekariak bere biltzar nagusia, Jean-Michel Anchordoquy tokiko auzapezak ongi-etorri beroa eginik. Lehen orrialdean ematen du elkarretaratze horren berri Ainhoa Etxenike erredaktoreburuak. 1997an jadanik Bidarrain bildu ginen biltzar nagusiz. Duela hogeita bederatzi urte! Ez gaitu horrek gaztetzen! So egin diot orduko argazkiari eta halako zarrasta batek jo nau: han zeuden partaideen gehiengoak mundu hau utzia du: Jean Haritschelhar, Emil Larre, Jakes Casaubon, Mattin Larzabal, Mixel Oronoz, Piarre Erramuzpe, Piarres Trounday eta beste andana bat, euskal munduko figurak denak. Aldiz Herria beti bizi. Baina noiz arte? Hara nolako arrangura pisua atera den egin dugun biltzar nagusi lantsuan.

Nahikari eta kemen handiz jokatzen garela, hori bai. Baina, denetan bezala, dirua da gakoa. Eta ezin uka alde horretatik ez gabiltzala nahi bezain sendo, nahiz ez garen sekula diru anitzekin...

Irakurri segida

Gurekin harremanetan sar