Bidasoan Euskaraz

Urtero, Bakalau elkarteak Bidasoan Euskaraz izeneko kultur ekitaldia antolatzen du Pausuko Xaia ostatuan eta inguruetan. Aurtengoa apirilaren 29tik maiatzaren 3ra izanen da. Egitaraua: apirilaren 29an, asteazkenez (16:00), haurrendako Porrotx eta Ainhoa. Horren ondotik krakada. 20:00etatik goiti Bakalau Kantuz. Apirilaren 30ean, ostegunez (9:00), Bidasoa Oinez, Xaiatik abiatuz eta ibaiaren inguruko bide osoa eginez. Xaiara itzultzean: xingar eta arroltze. Talo besta DJ Oscar Ciarekin (19:00-22:00) eta horren ondotik Tukutun txalaparta taldea. Maiatzaren 1ean, ostiralez (20:00), kantu afaria Kuxkuxtu txarangarekin. Prezioa: 35 euro. Maiatzaren 2an, larunbatez (19:00), pintxoak eta kontzertua Andoni Oilokiegirekin. Maiatzaren 3an, igandez, pala txapelketaren finalak (10:00). Horren ondotik aperitifa eta Kuxk taldeak animatu bazkaria. Prezioa: 25 euro. Kontzertuak Djingle’s eta Sacré Encierro taldeekin (19:00). Informazioa eta erreserbak egiteko: 05-47-75-07-02.

Urruñarrak Pilotaren 100 urteko bazkaria

Aurten Urruñarrak Pilota elkarteak 100 urte beteko ditu, eta hori dela eta, ekainerako era guzietako kultur eta kirol ekitaldiak antolatu dituzte. Ekainaren 13an, larunbatez, herriko ikastolak antolatu ehun urteurreneko herri bazkaria izanen da Iturbidea kiroldegian (13:00). Kuxkuxtu txarangak animatuko du. Helduen bazkaria: errusiar entsalada, entrekosta eta fritak, gasna, euskal pastiza eta kafea. Edateko hautu zabala izanen da: sagarnoa, garagarnoa eta arno beltz, gorri eta xuria. Prezioa: 25 euro. Hamabi urte arteko haurren bazkaria: entsalada, haragi pikatua eta fritak, euskal pastiza eta mister freeze delakoa, edatekoa: bio jusa eta ziropa. Prezioa: 8 euro. Tokiak mugatuta izanen direnez, erreserba maiatzaren 1a baino lehenago egin beharko da Urruñarrak Pilota elkartearen HelloAsso butikan edo elkartean.

Mutxiko agerraldia Oletan

Hilaren 25ean, larunbatez (17:00), mutxiko agerraldia izanen da Oletako frontoian. Izanen dira pintxoak, pastizak eta edariak. Antolatzailea: Larrun Airea.

C. Amedjkaneren organo kontzertua

Hilaren 26an, igandez (18:00), Coraline Amedjkane organo-jolearen “Eternitate sentimendua” izenekokontzertua izanen da herriko elizan.

Erdi Aroko Eguna

Apirilaren 26an, igandez, Erdi Aroko Eguna eginen dute Urtubiako jauregian (10:30-18:00). Bertan izanen dira gazteendako ekitaldiak, kultur ondarearen bisitak eta abar. Prezioa: 9,50 euro helduentzat eta 5 euro haurrentzat.

Kostu apaleko apartamentua Kafartenean

Kafartenea programaren baitan,Elkartasunezko Alokantza Kontratu Errealaren bidez eskuratu daitekeenT3 apartamendu bat oraindik salgai da. Informazio gehiago lortzeko, HSArekin harremanetan sartu: 05-59-58-40-84edoaccession@ophsa.fr delakoan.

San Frantses Xabier ikastetxearen lotoa

Hilaren 26an, igandez (14:00), San Frantses Xabierko ikastetxeak antolatu lotoa izanen da Zokoa auzoko aisialdi egoitzan.

Mus txapelketa ikastolan

Maiatzaren 3an, igandez (10:00), Urruñako ikastolaren aldeko mus txapelketa izanen da. Ostatu eta taloak bertan izanen dira. 1. saria: 450 euro eta 2. saria: 150 euro. Bazkari formula: 10 euro. Izen emateak: 24 euro bikote bakoitzeko. Informazioa eta inskripzioa: 06-70-56-54-32.

Pausuko pala partidak

Bidasoan Euskaraz kultur ekimenaren kari, Bakalau elkarteak urtero pala txapelketa antolatzen du. Abantzu egunero badira partidak, 32 bikote, hau da, 64 pilotari, parte hartzen ari baitira txapelketa jendetsu honetan. Maiatzaren 3an, igandez, jokatuko dute finala.