Herriz Herri - Aldude (NB) | 2026ko Ekainaren 11a
Ekainaren 12an (20:00), kontzertu gau ederra iraganen da Alfaroenean. Lehen partean Hiruri taldea entzuten ahalko da. Ondotik, bigarren partean Sons of Kentucky taldearen aldia izanen da, giro bero eta bizia segurtatuz. Musikaz gain, taloak eta edatekoa ere izanen dira, lagunartean momentu goxo baten partekatzeko. Sartzea 5 eurotan izanen da. Ongietorria luzatua zaie hurbildu nahi duten guzieri.
3838. zbk
Gure Hitza | 2026/06/11
Menane Oxandabaratz
Aurten Euskal Herria Zuzenean festibala Arberatzen ekainaren 26, 27 eta 28an iraganen da, 30 urteak ospatuko dira. Lehen edizioa Arrosan iragan bazen, geroztik bide egin du, Idauze-Menditik… Heletara, Lekornetik… Irisarrira, Arberatzen gelditua dela.
Joan den ostegunean Donapaleun EHZko antolatzaileek “Auzolanaren lurretan” liburua aurkeztu dute, 30 urtez ibili diren laguntzaileak presente ziren. Tarteka gertakari baten inguruan familia biltzen den bezala, joan den ostegunean EHZko komunitatea bildu da.
EHZ festibala antolatzen dutenek ardura handia hartzen dute, militanteak dira. Urte guzian bilkurak eginak dira, prestakuntza handia delako denak ongi gogoetatu behar dira. Milaka jende hurbiltzen dituen hiru eguneko ekitaldi baten kudeatzeko ardurak hartzen dira, egoera batzuk bat-batean kudeatzen dira, gauaz ala egunaz adi egon...
Herria Euskal Astekaria - Landagoien - 875, Landagoieneko errepidea - 64480 UZTARITZE [Lapurdi] | tel: 05 59 25 62 85 | herria.astekaria@gmail.com
Legezko oharrak | Diseinua eta programazioa: iF Diseinuak - 2016