Heriotze

Amelie Sagardia (sortzez Pochulu) pausatu da 82 urtetan, Izpuran. Doluminak Leon senarrari, Christine, Veronique, Cecile alaberi eta familia guziari.

Artzainen lasterketa

Oilandoiren inguruko probak joan den igandean iragan dira, aro ederra lagun (600 lasterkarik Euskal Trail-ekoek baino suerte gehiago ukan dute alde hortarik). Huna sailkapenak:

- 23,6km-koan: 1- Bastian De Almeida, 2- Pantxoa St Martin, 3- Christopher Vaquero.

Emazteen kategorian: 1- Sara Dinelaux, 2- Lorene Triadou, 3- Maite Casiriain (Ortzaize).

- 15km-koan: 1- Thomas Bourdillat, 2- Jean Marc Berroa, 3- Franck Espil (Baigorri).

Emazteen kategorian: 1- Elena Etchemendy (Baigorri), 2- Oihana Berasategi, 3- Thiphanie Auger.

Baigorriko ibarreko saria edo “Sauveur Arruiz” trofeoa Guillaume Tambourin-ek ereman du gizonetan eta Maite Etchart-ek emazteetan.

Txik Txak

Heldu den ikasturteko eskola garraioentzat, izen-emaiteak idekiak direla jakinarazten dauku Txik Txak egiturak. Agorrilaren 2a aitzin egin beharko dira. Xehetasun gehiagorentzat, joan helbide elektroniko huntara: txiktxak.fr-transportscolaire.

Ihiztariak

Baigorriko ACCA ihiztarien elkarteak bere biltzar nagusia ekainaren 13an eginen du, ibiakoitzez (9:00) Herriko Etxean, lehen estaiko salan. Iragan urteko bilanak eta bulegoaren erabakiak presentatu eta, ihizaldien arduradunak izendatu eta elkartearen ordezkariak bozkaz hautatuko dira. Departamenduko ihizi federazioaren azken informazioak ere emanen dira.