Bideo-dokumentala

Ekainaren 15ean (20:30), Mikel Erramousperen “Nun habila Perkain?” dokumentala ikusteko aukera izanen da, Le Select zineman.

“Aldudarrak kultur elkartea hasi da duela 4 urte, Aldude eta auzo herrietako historia eta bizia erakusten dituzten irudien biltzen. Lekuko pilotaren historia aberatsa 4 dokumental bideo bidez ikertzea eta zabaltzea hautatu du. “Nun habila Perkain?” lehen dokumentalean, Mikel Erramouspe errealizatzailea entseatzen da Perkain pilotari mitikoaren hobeki ezagutzen, frantses iraultza denbora nahasi hortan bilatuz zer pasatu den xuxen hiru herri hauetan. Mendiz mendi ibiliko da Banka, Aldude eta Urepelen gaindi bainan inkestak eramanen du ere Auritz Berri, Itsasu eta Tolosa alderat. Zerbaitetarat helduko dea?”

Euskaraz izanen da, azpitituluekin.

Senidetze-hitzarmena

Pirinio Atlantikoetako Suhiltzaile eta Larrialdi Zerbitzuak (SDIS 64) eta Nafarroak mugaz gaindiko lankidetza indartu dute senidetze-hitzarmen berri baten bidez. Ekimenak bereziki Donibane Lohizune, Senpere, Oronoz, Bera eta Lesakako suhiltzaile-etxeak hartzen ditu.

Hitzarmenaren helburua da larrialdiei erantzuteko gaitasuna hobetzea, ariketa bateratuak antolatuz, arriskuei buruzko informazioa partekatuz eta prestakuntza operatiboa indartuz. Era berean, suhiltzaileen arteko harreman pertsonalak, teknikoak eta antolakuntzakoak sendotu nahi dira, mugako eremuetan esku-hartzeak eraginkorragoak izan daitezen.